ଲାଇବ୍ରେରୀ
ପ୍ରୋଫାଇଲ୍
କାଶତଣ୍ଡୀ
କାଶତଣ୍ଡୀ
1 min
246
ଆକାଶରେ ନୀଳ
ବଉଦର ଛନ୍ଦ
ହସେ ଖିଲି ଖିଲି ହସ
ନଈ ପଠା ଧାରେ
କାଶତଣ୍ଡୀ ଫୁଲେ
ପ୍ରକୃତି କରିଛି ବଶ।
ଶୁଭ୍ର ସୁଶୋଭିତ
ଅପୂର୍ବ ସୁଷମା
ସରଗରୁ ପଡେ ଝରି
ଶରତ ଆସିଛି
ଧରାକୁ ଓଲ୍ହାଇ
ସକଳ ସୌନ୍ଦର୍ଯ୍ୟ ଧରି ।
ପାର୍ବଣ ଇସାରା
ନବ କିଶଳୟେ
ଆସିବେ ସିଂହ ବାହିନୀ
ସ୍ୱାଗତ ପାଇଁ କି
ତୋରଣ ସାଜିଛି
କାଶତଣ୍ଡୀ ଫୁଲ ରାଣୀ ।
ହଟିଯିବ ଦୁଃଖ
ଯନ୍ତ୍ରଣା ଯାତନା
ମାଆଙ୍କର ଆଗମନେ
ଆସୁରିକ ଶକ୍ତି
ହେଇଯିବ ଧ୍ବଂସ
ଭରିଯିବ ଶାନ୍ତି ମନେ ।
