କାଗଜମୁଖା

ମୁଖା ତ ମୁଖା କାଗଜମୁଖା 

କେଡେ ସୁନ୍ଦରିଆ ଜାଣିଥା

କାଗଜ,କପଡା,ଅଠା ତିଆରି 

ଶସ୍ତା ,ସୁନ୍ଦର ହାଲୁକା ଭାରି।

ବାଘ,ଭାଲୁ,ସିଂହ, ହାତୀର ମୁଖା

ଶୁଆ,ପାରା,ବଗ କୋଇଲି ,ଶାରୀ

ପଶୁପକ୍ଷୀ ପରିଚୟ ହୁଅଇ 

ଜୀବେଦୟା ଭାବ ହୁଏ ତିଆରି ।

ଦେବାଦେବୀ ଆଉ ଅସୁର ମୁଖା

ପୋଥି ପୁରାଣର କହଇ କଥା

ମେଳଣ ଯାତରେ ମୁଖାପସରା

ହଜିତ ଯାଉଛି ଅତୀତ ଗାଥା

ଚାଲବୁଲିଯିବା ଐତିହଗ୍ରାମ

ରଘୁରାଜପୁର,( ପୁରୀ )ତା ନାମ 

ଦେଖିବା ମୁଖା ନାନା ରକମ

ଗୋଟା ଗୋଟା କରି ଆଣିବା କିଣି

ଖୁସି ହେବେ ପିନ୍ଧି କୁନା ଓ କୁନି।