ଜୟ ମା ମଙ୍ଗଳା
ଜୟ ମା ମଙ୍ଗଳା


(ଚ )
ଚଇତ୍ର ମାସ ମଙ୍ଗଳ ବାରରେ
ଚର୍ଚ୍ଚିତ ହୋଇ ମନ୍ଦାର ପୁଷ୍ପରେ l
ଚିତ୍ରିତ ହେଉ ମା ରକ୍ତ ସିନ୍ଦୂରେ
ଚରଚା ହେଉ ନଗ୍ରେ ପୁରେ ପୁରେ l
ମାଆ ଚଇତି ହାଡ଼ିଆଣୀରେ
ଚଇତ୍ର ମାସରେ ପୂଜା କରି ସିଦ୍ଧି ପ୍ରାପ୍ତ ମଙ୍ଗଳା ରୂପରେ l
(ଇ )
ଈଶ୍ୱରୀ ଶଙ୍କରୀ ସିଂହବାହିନୀ
ଇଚ୍ଛାମତେ ମା ନାନା ରୂପ ଘେନି l
ଈଷ୍ଟଦେବୀ ରୂପେ ଗ୍ରାମ ଗ୍ରାମରେ
ଇଛନ୍ତି ବର ପୂଜି ନାରୀ ନରେ l
ମାଆ ଇଚ୍ଛା ବସନ୍ତ ମଙ୍ଗଳା
ଇନ୍ଦ୍ର ଚନ୍ଦ୍ର ବ୍ରହ୍ମା ବରୁଣ କୁବେରେ ଅଗୋଚର ତୋର ଲୀଳା l
(ତି )
ତିନିପୁରେ ଜୟ ଜୟ ବାଜଣା
ତୃପତି ହେଉ ପାଇ ଛେନାପଣା l
ତୋର ପୂଜା କରି ଭକତ ଜନ
ତୋର ଦୟାରେ ପ୍ରାପତ ସନ୍ତାନ l
ମାଆ ତୁହି ଜଗତ ଜନନୀ
ତୋର ଦୟାବଳେ ମା ସର୍ବମଙ୍ଗଳା ମୂର୍ଖ ହୁଏ ମହାଜ୍ଞାନୀ l
(ମ )
ମଙ୍ଗଳା ନାମକୁ ମନେ ସୁମରି
ମଙ୍ଗଳ ବାରେ ଗ୍ରାମ ଗୃହ ନାରୀ l
ମାନସିକ କରି ରଖନ୍ତି ବ୍ରତ
ମନ୍ଦାର ପୁଷ୍ପ କରିଣ ଅର୍ପିତ l
ମାତ ଚଇତି ମଙ୍ଗଳା
ମା ମା ବୋଲି ଡାକ ଦେଲେ ଥରେ ଉଦ୍ଧାର ବୁଡିବା ଭେଳା l
>
(ଙ୍ଗ )
ଗଉରୀ କୁମାରୀ କାଳୀ କପାଳୀ
ଗିରିଜା ଦୁର୍ଗା ରୂପେ ଦୁଷ୍ଟ ଦଳି l
ଗୌରାଙ୍ଗୀ ଶିବା ଶାରଳା ହିଙ୍ଗୁଳା
ଗଳାରେ ବସି ପଦ କର ଖେଳା l
ଗଣିତ ନୁହଁଇ ଲୀଳା
ଗତାଗତ ସିଂହ ଶାର୍ଦୁଳ ପୃଷ୍ଠରେ ଜୟ ମା ସର୍ବମଙ୍ଗଳା l
(ଳ )
ଲହଲହ ଜିହ୍ୱା ରକ୍ତ ଅଧର
ଲହୁ ପାନ ନାଶ କରି ଅସୁର l
ଲଲାଟେ ସିନ୍ଦୂର ଚିତା ଶୋଭନ
ଲେଖି ବର୍ଣ୍ଣିବାରେ କେହୁ ଭାଜନ l ମା
ଲକ୍ଷ୍ୟ ତୋ ପଦ କମଳେ
ଲକ୍ଷ୍ମୀ ସରସ୍ବତୀ ସାବିତ୍ରୀ ଗାୟତ୍ରୀ ତୋରୂପ ମାତ୍ର ଶୟଳେ l
(ବା )
ବାର ବାର ବନ୍ଦେ କଞ୍ଜ ଚରଣ
ବାରେ ମା ମଙ୍ଗଳା କର କାରଣ l
ବୁଦ୍ଧିହୀନ ତୋର ଦୀନ ସନ୍ତାନ
ବଢ଼ାଇଲି ଚିତ୍ତ କର ତାରଣ l ମା
ବୁଲୁ ନିଶାର୍ଦ୍ଧେ ନଗ୍ରେଣ
ବିଶୁଦ୍ଧ ଚିତ୍ତରେ ଡାକେ ମା ଆର୍ତ୍ତରେ ଅରକ୍ଷେ କର ରକ୍ଷଣ l
(ର )
ରକ୍ଷାକର ମୋତେ ମଙ୍ଗଳା ମାତ
ରଟେ ତୋର ନାମ ମା ଦିବାରାତ୍ର l
ରହିଛୁ ପୁରି ମା ସକଳ ସ୍ଥାନ
ବ୍ରହ୍ମରୁ ସ୍ଥାବର କୀଟ ଜଙ୍ଗମ l ମା
ରକ୍ଷାକର ରକ୍ଷାକର
ରଖ ବା ନରଖ ଦୀନ ପ୍ରେମାନନ୍ଦ ଶରଣ ତୋର ପୟର l