ଜୟ ହନୁମନ୍ତ

ଜୟ ହନୁମନ୍ତ ମହା ବଳବନ୍ତ

  ଜୟ କେଶରୀ ନନ୍ଦନ l

ଶ୍ରୀରାମ ସେବକ ଜଳାଇ ପାବକ

   ଲଙ୍କାକୁ କଲ ଶ୍ମଶାନ ll

 ଆହେ ମହାବୀର ସ୍ମରଣେ ତୁମର

   ସର୍ଵ କାର୍ଯ୍ୟ ହୁଏ ସିଦ୍ଧି l

ସଙ୍କଟ ମୋଚନ ଅଞ୍ଜନା ନନ୍ଦନ

    ଦିଅ ଦିବ୍ୟଜ୍ଞାନ ବୁଦ୍ଧି ll

 ତୁମ୍ଭ ସ୍ମରଣରେ ରହିଥାନ୍ତି ଦୂରେ    

   ଗ୍ରହପୀଡ଼ାମାନ ଯେତେ l

ସଙ୍କଟ କାଳରେ ଅବା ବିପଦରେ

   ଅଥବା ଘୋର ବନସ୍ତେ ll

ସହସ୍ର ଯୋଜନ ସାଗର ଲଂଘନ

  ରାକ୍ଷସ ପୁରରେ ଭୀତି l

ଉଡ଼ି ଉଡ଼ି ଯାଇ ପର୍ବତ ଆଣିଲ

   ଜୀଇଲେ ଉର୍ମିଳା ପତି ll

 ତୁମ୍ଭ କରୁଣାରୁ ଆହେ ମହାମେରୁ

    ଦୁର୍ଗମ, ସୁଗମ ହୁଏ l

ନାମରେ ତୁମ୍ଭର ଆହେ ମହାବୀର

    କାଳଭୟ କଟିଯାଏ ll

 ତୁମ୍ଭେ ପ୍ରଭୋ ଅଷ୍ଟ ସିଦ୍ଧି ନବ ନିଧି

   ଦାତା ବୋଲାଅ ଜଗତେ l

ରଚିଲେ ଚାଳିଶି ଗୋସ୍ୱାମୀ ତୁଳସୀ

    ଭକ୍ତ ଗାଆନ୍ତି ଉଦ୍ଦାତ୍ତେ ll

 ଚରଣେ ନମନ ଆହେ ହନୁମାନ

    ତୁଣ୍ଡେ ଥାଉ ତବ ନାମ l

ଜୟ ରାମଦୂତ ଜୟ ହେ ମାରୂତ

   ଜୟ ଦାଶରଥି ରାମ ll