ଲାଇବ୍ରେରୀ
ପ୍ରୋଫାଇଲ୍
ଜୁଇ ଜଳୁଛି
ଜୁଇ ଜଳୁଛି
ଜୀବନ ଯାତ୍ରାର ଶେଷ
ସମସ୍ତଙ୍କ ପାଇଁ ସମାନ
ସମସ୍ତେ ଯେଝା ବାଟରେ
କରନ୍ତି ଗମନ
ସବୁ ଦୁଃଖର ଶେଷ
ସବୁ କର୍ମରୁ ଆରାମ
ସବୁ ଅଳିଅର୍ଦ୍ଦଳିରୁ ମୁକ୍ତି
ସବୁ କଳହର ସମାଧାନ
ସବୁ ବିରକ୍ତିରୁ ଶାନ୍ତି
ସବୁ ଅଶାନ୍ତିରୁ ଶାନ୍ତି
ଝାମେଲା ସବୁ ଶେଷ
ସମ୍ପର୍କର ଲମ୍ବା ରାସ୍ତାରୁ
ବହୁତ ଦୂର.....
ଦିନ ରାତି କର୍ତ୍ତବ୍ୟରୁ ମୁକ୍ତି
ସବୁ ନିଃଶ୍ୱାସ ପ୍ରଶ୍ୱାସ ଶେଷ
ସବୁ ସାଙ୍ଗ ସାଥିଙ୍କ ଠାରୁ ବିଦାୟ
ପରିବାର ଦୁଃଖ ସୁଖର
ଲମ୍ବା ତାଲିକାରୁ ବିରତି....
ଭିନ୍ନ ଭିନ୍ନ ନିୟମ କାନୁନ ପ୍ରତାରଣାରୁ ମୁକ୍ତି
ସବୁ କିଛିର ସମାପ୍ତ
ପ୍ରାକୃତିକ ଦୃଶ୍ୟରୁ ଶେଷ
ସବୁ ଶେଷର ଶେଷ ହୁଏ
ମୃତ୍ୟୁର ପ୍ରାଙ୍ଗଣରେ
ମୃତ୍ୟୁର ଶେଷ ଠିକଣା ହୁଏ
ଗାଁ ଶେଷ ମଶାଣି ଭୁଇଁରେ
ମଶାଣିକୁ ଯିବା ପାଇଁ ଛଅ ଖଣ୍ଡ ବାଉଁଶ
ଛଅ ଖଣ୍ଡ ବାଉଁଶରେ ହୁଏ ସବାରି
ସେହି ସବାରି ଯାଏ ମଶାଣି ଭୂଇଁ
ମଶାଣିରେ ଜଳେ ସେହି ନିରୀହ ଶବ
ଶବ ପାଇଁ ସଜା ଥାଏ ଜୁଇ
ଜୁଇରେ ଜଳୁଛି ସେହି ଶବ
ଜୁଇ ଚାରିପଟେ ପରିବାର
ଆଉ ବନ୍ଧୁ ପରିଜନ...
ଆଖିରେ ଲୁହର ଧାର
ସମସ୍ତେ ଫେରନ୍ତି ଘରମୁହାଁ
କିନ୍ତୁ ମଶାଣି ରେ
ଜୁଇ ଜଳୁ ଥାଏ
ନିଆଁର ଶେଷ ପର୍ଯ୍ୟନ୍ତ।।
