ଜନ୍ମଦିନ
ଜନ୍ମଦିନ
ବହୁ ଜନ୍ମପରେ ମଣିଷ ଜୀବନ
ମିଳିଥାଏ ପୃଥିବୀରେ
ଜନମ ଦିବସ ଜୀବନେ ଅଭୁଲା
ରହିଥାଏ ଯେ ସ୍ମୃତିରେ ll
ପିତା ମାତାଙ୍କର ସ୍ୱପ୍ନର ସୃଷ୍ଟିରେ
ସନ୍ତାନର ଯେ ଉତ୍ପତ୍ତି
ଆନନ୍ଦେ ବିଭୋର ହୁଅନ୍ତି ପଡୋଶୀ
ନବ ଜୀବନକୁ ଦେଖି ll
ଜନମ ଦିବସ ପାଳନ ହୁଅଇ
ପିଠା ପଣା ଭୋଜି ନାଚେ
ଈଶ୍ୱରଙ୍କ ଠାରେ ଗୁହାରୀ କରନ୍ତି
ଭଲରେ ଯାଉ ବରଷେ ll
ରଙ୍ଗ ବେରଙ୍ଗ ର ପତାକା ସଜ୍ଜାଇ
ସପ୍ତରଙ୍ଗ ସମାହାର
ବେଲୁନ ଲଗାଇ ଖୁସିରେ ପାଳନ୍ତି
ଜନ୍ମଦିନ ଆନନ୍ଦର ll
ନୂଆ ପୋଷାକର ପରିଧାନ କରି
ମୁଣ୍ଡରେ ଟୋପିକୁ ମାରି
ସାଙ୍ଗସାଥି ମେଳେ ଉତ୍ସବ ମନାନ୍ତି
ହାପି ବାର୍ଥଡେ ଯେ କହି ll
କେକ୍ କାଟନ୍ତି ଖୁସିରେ ସେଦିନ
ମହମବତୀ ଲଗାଇ
ବେଲୁନ ଫୁଟାଇ ନାଚନ୍ତି ଗାଆନ୍ତି
କେକକୁ ପାଟିରେ ଦେଇ ll
ସାଙ୍ଗମାନେ ସବୁ ଗି୍ଫଟି ଦିଅନ୍ତି
ଶୁଭ ଜନ୍ମଦିନ କହି
ଭୋଜି ଭାତ ଖାଇ ଆନନ୍ଦ ମନରେ
ଜନ୍ମଦିନକୁ ଯେ ପାଳି ll
ପାଶ୍ଚାତ୍ୟ ସଂସ୍କୃତି ଆନନ୍ଦେ ଗ୍ରହଣ
ନିଜର ସଂସ୍କୃତି ଭୁଲେ
କେକ୍ କଟା ପ୍ରଥା ନାମକୁ ଲେଖିକି
ଜନ୍ମଦିନ ଏବେ ପାଳେ ll
ପୂର୍ବେ ଜନ୍ମଦିନ ମନ୍ଦିର ଯାଇକି
ପୂଜାର୍ଚନା ହେଉଥିଲା
ଗୁରୁଜନ ଠାରୁ ଆଶୀର୍ବାଦ ନେଇ
ଶୁଭଯେ ମନାସୁଥିଲା ll
ପାଲା ପୋଥିପୂଜା ଗୃହରେ କରିକି
ସଂକୀର୍ତ୍ତନ ହେଉଥିଲା
ଦାନ ଧର୍ମ କରି ସତସଙ୍ଗ ମେଳେ
ଜନ୍ମଦିନ ପାଳୁଥିଲା ll
ଶୁଭ ଜନ୍ମଦିନେ ଖରାପ ଅଭ୍ୟାସ
ମନମଧ୍ୟେ ତ୍ୟାଗକର
ଭଲ ଗୁଣ ଏକ ବାଛିକି ମନରେ
କରିବାକୁ ସ୍ଥିର କର ll
ଜୀବନ କ୍ଷଣିକ ଚିନ୍ତିକି ମନରେ
ସଦଗୁଣେ ଦିଅ ମନ
ଗୁରୁଜନ ଠାରୁ ଆଶିଷ ନେଇକି
କାମଯେ କର ନୂତନ ll