ଜୀବନ

ଜୀବନଟା ଅଟେ ଯେତିକି ଜଟିଳ

ତାଠାରୁ ସରଳ ବେଶି

ଜଟିଳକୁ ଯେତେ ସରଳ ଭାବିବ

ଆଣିଦେବ ହସ ଖୁସି

ଜିଲାବି ପରିକା ଜୀବନଟା ସିନା

ରହିଥାଏ ହୋଇ ଛନ୍ଦି

ହେଲେ ସ୍ୱାଦ ତାର ଭାରି ମିଠା ଲାଗି

ପାଇଗଲେ ତାର ଫନ୍ଦି ।

ଜୀବନ ଏମିତି ସତେକି ଯେମିତି

ଅଡୁଆ ସୁତାର ଖିଅ

ସେ ସୁତା ଗଣ୍ଠିକୁ ଖୋଲି ନପାରିଲେ

ଆଖିରୁ ଝରିବ ଲୁହ ।

ସେସୂତା ଖିଅକୁ ଖୋଜି ନପାଇଲେ

ଗୁଡେଇ ତୁଡ଼େଇ ହେବ

ଖୋଲିବା ଉପାୟ ଜାଣିଗଲେ ଥରେ

ଜୀବନେ ମଜା ମିଳିବ ।

ଜୀବନର ମଜା ପାଇବା ପାଇଁକି

ଜଟିଳ ପଥରେ ଯାଇ

ସରଳ ଢଙ୍ଗରେ ସମାଧାନ କଲେ

ସୁଖରେ ପାଇବା ଜିଇଁ ।