ଜୀବନ ଗୀତା-୪୨୨
ଜୀବନ ଗୀତା-୪୨୨
ଜୀନର ପାତ୍ର ପରିପୂର୍ଣ୍ଣ କାର
କାହାରବା ଗଡଗଡା
ସପନ ସବୁକୁ ପୂରାକରେ କିଏ
କାହାରବା ଅଧାଗଢା ॥୦॥
ଖଣ୍ଡାର ଧାରରେ ଚାଲୁଥାଏ କିଏ
କାହାପାଇଁ ବିଛା ଗାଲିଚା
କଣ୍ଟାର ଶେଯରେ ଶୋଇଥାଏ କିଏ
କାହା ଭାଗ୍ୟେ ଫୁଲ ବଗିଚା
ଭବିଷ୍ୟତ କାର ଉଜ୍ଜଳତାପୂର୍ଣ୍ଣ
କାହାରବା ପୋଡପୋଡା ॥୧॥
ଆବିଳତାପୂର୍ଣ୍ଣ କାହାର ଜୀବନ
କାହାର ଅତୀବ ନିର୍ମଳ
ଅନ୍ୟପାଇଁ କିଏ ନୀଳକଣ୍ଠ ସାଜି
ପିଇଯାଏ ସବୁ ଗରଳ
ଧୀରସ୍ଥିର କିଏ ଜୀବନ ଯାତ୍ରାରେ
କିଏପୁଣି ଛନ୍ନଛଡା ॥୨॥