ଜୀବନ ଚେସ୍ ପାଲିର ଖେଳ

ଭବ ସାଗରରେ ଭାସଇ ନଉକା

ବିନା ନାଉରୀରେ ଦେଖ ଲୋ ସଖୀ

ଜଳ ନାହିଁ ହେଲେ ଭଉଁରୀ ପଡ଼ିଛି

ପରତେ ନଯାଏ ଏ ଦୃଶ୍ୟ ଦେଖି l

ଯାହା ଦିଶୁଥାଇ ଆଖି କିଲୋ ସଖୀ

ସତ ତା' ଠାରୁ ବହୁତ ଦୂରେ

ଭେଦ ତୁ ପାଇବୁ ଆନ୍ତର୍ମୁଖୀ ହୋଇ

ଧ୍ୟାନ ଲଗାଇଲେ ଗୁରୁ ପୟରେ l

              

ଜୀବନଟା ସଖୀ ଚେସ୍ ପାଲିର ଖେଳ

ସଦା ଦେଖି ଚାହିଁ ଖେଳୁ ଥିବୁ

ରାଜା ରାଣୀ ସୈନ୍ୟ ମାଡି ଆସୁଥିବେ

ଦେଖି ଚାହିଁ ଗୋଟି ଚଳାଇବୁ ।

ଦେଖି ଚାହିଁ ସଖୀ ଚଳାଇବୁ ଗୋଟି

ଯିତିବା ପାଇଁ ତୁ' ବାଜି

ଯେତେ ତୁ ' ପ୍ରଖର କରିବୁଲୋ ବୁଦ୍ଧି

ସେତେ ସଂସାର ସୁଖରେ ପାରିବୁ ମଜି ।

ମସ୍ତିଷ୍କକୁ ସଦା କାମରେ ଲଗାଇବୁ

ସୈନ୍ୟ ହରାଇବା ପାଇଁ

କେଉଁ ମୁହୂର୍ତ୍ତରେ ମନଟିକୁ ତୋର

କେବେ ଦୁର୍ବଳ କରିବୁ ନାହିଁ ।

ସତର୍କ ଦୃଷ୍ଟିରେ ଗୋଟି ଚଳାଇଲେ

କେବେ ହେବନାହିଁ ପରାଜୟ

ଚେସ୍ ପାଲିର ଖେଳ ଏଇ ଜୀବନଟା

ବୁଦ୍ଧି ଖଟାଇଲେ ହେବୁ ବିଜୟ ।