ଲାଇବ୍ରେରୀ
ପ୍ରୋଫାଇଲ୍
ଝୁରୁଛି କୌଶଲ୍ୟା ଝୁରୁଛି ଦେବକୀ
ଝୁରୁଛି କୌଶଲ୍ୟା ଝୁରୁଛି ଦେବକୀ
1 min
207
ଝୁରୁଛି କୌଶଲ୍ୟା ମାତା ରାମ ରାମ
କୃଷ୍ଣଙ୍କୁ ଦେବକୀ ମାତା
ମଣ୍ଡିଲ ଯଶୋଦା କୋଳ ଶ୍ୟାମଘନ
ରଖିଲ କୈକେଇ କଥା
ଆସ ଶ୍ୟାମଘନ ଝୁରେ ମାତା ମନ
ଲିଭାଅ ମନର ବ୍ୟଥା ll
ଝୁରୁଛି ଅଯୋଧ୍ୟା ଝୁରେ ଦଶରଥ
ଗଲ କି ସବୁ ପାଶୋରି
ଝୁରେ ଗୋପପୁର ଝୁରେ ଗୋପାଳୁଣୀ
ଅକ୍ରୁର ନେଲା ହକାରୀ
ଆସ ହେ ଅଯୋଧ୍ୟା ଆସ ଗୋପପୁର
ତୁମେ ପରା ପ୍ରାଣ କର୍ତ୍ତା ll
ଝୁରେ ରାଧାରାଣୀ ଝୁରେ ମୀରାବାଈ
ଝୁରୁଛି ଯମୁନା କୂଳ
ଝୁରନ୍ତି ଗୋବତ୍ସା ଝୁରେ ତରୁଲତା
ଝୁରନ୍ତି ଗୋପେ ଗୋପାଳ
ଆସ ହେ କହେଁଇ ଡେରି କର ନାହିଁ
ପାଗଳ ପରାଏ ମଥା ll
