ଝଞ୍ଜା ପରେପରେ ବହୁଛି ଝାଞ୍ଜି

 ଝଞ୍ଜା ପରେପରେ ବହୁଛି ଝାଞ୍ଜି

   ଝାଞ୍ଜି ପବନରେ ଯାଉଛୁ ସିଝି                 

ଗଛ ନାହିଁ ବୋଲି ଛାଇତ ସପନ

   ସବୁଜିମା ସବୁ ଯାଇଛି ହଜି

  ଝଞ୍ଜା ପରେପରେ ବହୁଛି ଝାଞ୍ଜି ।

  ଦିନୁଦିନ ଖରା ହୁଅଇ ଟାଣ

  ଡହଳ ବିକଳ ସବୁରି ପ୍ରାଣ

ଅ°ଶୁଘାତ ପରା ତରାଟୁଛି ଆଖି

  ପିଅ ପଣାପାଣି ପିଅରେ କାଞ୍ଜି

  ଝଞ୍ଜା ପରେପରେ ବହୁଛି ଝାଞ୍ଜି ।

 ସତେକି ସୂରୁଯ ଢାଳନ୍ତି ନିଆଁ

 ଦିଗଚଉଦିଗ ଲାଗେ ଛାନିଆ

ଖରାକୁତ ଯିଏ ଜଗି ନଚଳଇ

   ତୁଛାରେ ଜୀବନ ଲଗେତା ବାଜି

  ଝଞ୍ଜା ପରେପରେ ବହୁଛି ଝାଞ୍ଜି. 

  ଝାଞ୍ଜି କବଳରୁ ମୁକତି ପାଇଁ

  ଗଛ ଭରିଦେବା ଭଉଣୀ ଭାଇ

 ସବୁଜ ସୁନ୍ଦର ଧରା ହେବ ଆମ

  ଖରା ସାଥେ ଛାଇ ପାରିବ ଯୁଝି

  ଝଞ୍ଜା ପରେପରେ ବହୁଛି ଝାଞ୍ଜି ।