ଜହ୍ନରେ ଜହ୍ନ !

     ଜହ୍ନରେ ଜହ୍ନ ,

ତୁ ଚୋରାଇ ନେଲୁ ମନ,      

ହଜେଇ ଦେଲୁ ମଜେଇ ଦେଲୁ—୨—

ଭୁଲେଇ ଦେଲୁ ମନ |୦|                  

ତୁ ଦୂର ଜହ୍ନ ଦୂର ଆକାଶେ ,           

ମାଟିକୁ କାହିଁକି ତୋ ହାତ ଆସେ ,            

ସରମେ ମଲି , ଲାଜେଇ ଗଲି—୨—

ହଜେଇ ଦେଲି ମନ |୧|                   

ତୁ ରୂପା ଜହ୍ନ ମୁଁ ମାଟି ମଣିଷ ,             

ତୋ ଘର ପରା ସାରା ଆକାଶ ,             

ଆକାଶେ ଯାଉ ବଉଦେ ଲୁଚୁ —୨—

ଲୁଚି ତୁ ଥାଉ ଦିନ 

Advertisement

|୨|       

ନୀଳକଇଁ ହସେ ତୋ ମୁହଁ ଦେଖି ,         

ପ୍ରଦୋଷେ ହସଇ ସାଙ୍ଗକୁ ସଖି,          

ଅନ୍ଧାର ଆସେ ଜହ୍ନଟି ହସେ—୨—

ହସେରେ କୁଞ୍ଜବନ |୩|                  

ଶରତର ଜହ୍ନ ଛନଛନିଆଁ ,        

ମନ ହେଉଥାଏ କନକନିଆଁ,        

ଫୁଲ ସହର ଅଳକାପୁର —୨—

ମନ ବସନ୍ତ ଧନ |୪|        

ରେ ଜହ୍ନ ତୁ ତ ପରାଣ ସଖି ,  

ତୋର ମୁହଁ ଦେଖି ଭୁଲେ ମୋ ଆଖି,          

ଆଖିରେ ଆଖି ମିଳେଇ ଦେଉ—୨— 

ଚୋରେଇ ନେଉ ମନ |୫|