ଝିଟିପିଟିର ପ୍ରେମ
ଝିଟିପିଟିର ପ୍ରେମ
ଝିଟିପିଟି ଲେଖିଲା ଚିଠି
ପ୍ରିୟତମ ତୁମେ ଅଛ କେଉଁଠି
ହେଉଛି ମୁଁ ଛାଟିପିଟି
ବୁଝ ଟିକେ କାଲି ଆମ ଚଉଠି
ବାଟ ଚାହିଁଛି ସକାଳୁ ଉଠି
ବସି ବସି ମୋର ବିନ୍ଧିଲା ପିଠି
ଦିଶୁଛ ମୋତେ ତମେ ସବୁଠି
ମୋତେ ଛାଡି କିଆଁ ବୁଲ ଏଠି ସେଠି
ପ୍ରେମ ବାହାରିଲା ହୃଦୟ ଫାଟି
ପିମ୍ପୁଡି ଖାଉଛି ତାକୁ ଚାଟି
ସାଇତି ରଖିଛି ସ୍ମୃତି କୁ ସାଉଁଟି
କାନ୍ଦୁଛି ମୁଁ ଆଜି ମୁଣ୍ଡକୁ ପିଟି
ପ୍ରିୟତମ ତମେ ଆସ ଝଅଟି
ଏଣ୍ଡୁଅ ପଚାରେ ଆଲୋ ଝିଟିପିଟି
କହ ତୋ ପ୍ରେମିକ ଅଛି କେଉଁଠି
ଏଣ୍ଡୁଅକୁ ଦେଖି କହେ ଝିଟିପିଟି
ଘର ମୋ ବୁଡିଲା ଛାତି ଯାଉଛି ଫାଟି
ଝିଟିପିଟି ଦେଖି ମାରିଲା ସିଟି
ସିଟି ଶୁଣି ତା ପ୍ରେମିକ ଆସିଲା ଲେଉଟି।