ଝିପ୍ ଝିପ୍ ବରଷା

ଝିପ୍ ଝିପ୍ ବରଷା ପଡୁଛି ଝରି 

ପ୍ରିୟା କଥା ମନେ ପଡୁଛି ଭାରି

ଦେଖି ମୋ ପ୍ରିୟାର ଆଖି କଜଳ 

ରାଗ ତମ ତମ କଳା ବାଦଲ

ଧିକ ମନେ କରି ଯିବାକୁ ମରି

ବରଷା ହୋଇ ସେ ପଡ଼ଇ ଝରି

ବରଷା କୁ ସିନା ଭଲ ପାଏ ପ୍ରିୟା

ବିଜୁଳି ରାଣୀକୁ ଯାଏ ସେ ଡରି

ଝିପ୍ ଝିପ୍ ବରଷା ପଡୁଛି ଝରି ।।

ବରଷା ଆସିଲେ ଦୂର ଆକାଶେ

ଢେଉ ଖେଳ ପ୍ରିୟା ମୁକୁଳା କେଶେ

ବରଷାରେ ଯେବେ ଭିଯେ ଲାଜେଇ

ପାଟଳ ଓଠରୁ ମୋତି ଝରଇ

ମୁଁ ଯଦି ହୁଅନ୍ତି ବରଷା ଟିଏ

ତା ଦେହେ ବରଷି ଯାନ୍ତି ହାଏ

ଭାବନା ରାଇଜେ ଭାବୁ ଭାବୁ କଥା

ଭାବନା ମୋହର ଗଲାଣି ସରି

ଝିପ୍ ଝିପ୍ ବରଷା ପଡୁଛି ଝରି ।।

ଝିପ୍ ଝିପ୍ ବରଷା ପଡୁଛି ଝରି 

ପ୍ରିୟା କଥା ମନେ ପଡୁଛି ଭାରି

ବରଷା ନେଇତୁ ମୋ ସନ୍ଦେଶ

ପହଞ୍ଚାଇଦେବୁ ମୋ ପ୍ରିୟା ପାସ

ପ୍ରେମିକ ପ୍ରବର ଅନାଇ ବସିଛି

ଆସିବା କେବେ ସେ ଚଢି ସବାରି 

ଝିପ୍ ଝିପ୍ ବରଷା ପଡୁଛି ଝରି ।।