ଲାଇବ୍ରେରୀ
ପ୍ରୋଫାଇଲ୍
ଜେଜେଙ୍କଠାରୁ ଶୁଣିଥିବା ଗପ
ଜେଜେଙ୍କଠାରୁ ଶୁଣିଥିବା ଗପ
1 min
270
ପିଲାବେଳେ ଯେବେ ଗପ ଶୁଣିବାକୁ ଇଚ୍ଛାଟିକେ ମୋର ହେଲା
ବୋଉ ପାଖେ ଯାଇ କହିଲି ମୁଁ ଚାହିଁ ଗପଟିଏ କୁହ ଭଲା
ବୋଉ ମୋ କହିଲେ କେତେ କାମ ମୋର ପାରିବିନି ଗପ କହି
ଗପଟିଏ ଯଦି ଶୁଣିବାର ଅଛି ବାପାଙ୍କୁ ତୋ କହ ଯାଇ
ବାପାଙ୍କ ପାଖକୁ ଯାଇ ମୁଁ କହିଲି ବାପା ଗପଟିଏ କୁହ
ବାପା ମୋ କହିଲେ କେତେ କାମ ମୋର ଦେଖୁନାହୁଁ, ଟିକେ ରହ
ଗଲି ମୁଁ ବାହାରି ମନଟିକୁ ମାରି ବସିଲି ବାହାର ଖଞ୍ଜେ
ପାଦ ଚିପି ଚିପି ଅତି ସରାଗରେ ଆସିଲେ ମୋ ପାଖେ ଜେଜେ
କହିଲି ଜେଜେ ମ ମନ ଦୁଃଖ ମୋର ଗପ କେହି କହୁନାହିଁ
ଜେଜେ ମୋ କହିଲେ ଏଇ କଥାଟାକୁ ଗୁମାନ କରିଛୁ ତୁହି
ଜେଜେ ମୋ କହିଲେ ଟୁଆଁ ଟୁଇଁ କଥା କହିଲେ ବଉଳା ଗାଈ
ବୁଢ଼ୀ ଅସୁରୁଣୀ ପୁରାଣ କାହାଣୀ କେତେ କେତେ ଗଲେ କହି
ଜେଜେଙ୍କର ଗପ ମନେ ମୋର ଛାପ ଆଜି ବି ଯାଇଛି ରହି
ତାଙ୍କରି ସେନେହ ଗଳ୍ପରେ ପ୍ରେରଣା ବଞ୍ଚି ମୁଁ ରହିଛି ନେଇ
