ଜାତୀୟ ସଙ୍ଗୀତ

ସମଗ୍ର ବିଶ୍ବରେ ଭାରତ ଗୋଟିଏ

ଅଟଇ ବିଚିତ୍ର ଦେଶ

ବହୁଭାଷା,ଧର୍ମ,ରୁଚି,ଭାଷା ଲୋକ

କରନ୍ତି ଏଠାରେ ବାସ ।

ବିଭିନ୍ନତା ସତ୍ତ୍ବେ ରହିଛି ସାଦୄଶ୍ୟ

ଅନେକ ମଧ୍ୟରେ ଏକ

ଜାତୀୟ ସଙ୍ଗୀତ ଜାତି ଜୀବନର

ଆଶା ଆଙ୍କାକ୍ଷା ପ୍ରତୀକ ।

ଜାତୀୟ ଜୀବନ ସ୍ବଦେଶ ପ୍ରୀତିରେ

ସଂସ୍କୃତି ଓ ପରମ୍ପରା

ସଂଗଠିତ କରେ ଗୋଟିଏ ସ୍ରୋତରେ

ସାମାଜିକ ଚିନ୍ତାଧାରା ।

ଦେଶ ଓ ଜାତିର ସ୍ବପ୍ନ,ସଙ୍କଳ୍ପ

ଜାତୀୟ ସଙ୍ଗୀତ ଗାନେ

ମହାନତା ଗର୍ବେ ସ୍ବାଧୀନତା ଆଣେ

ଭାରତୀୟଙ୍କର ମନେ ।

ଆଦର୍ଶ,ସଂସ୍କାର,ଐତିହ୍ଯ ମଣ୍ତିତ

ବିଜୟ ଗୌରବ ଆଣେ

ଜାତୀୟ ଚେତନା ନବଉନ୍ମାଦନା

ସୃଷ୍ଟିକରେ ପ୍ରାଣେପ୍ରାଣେ ।

ଦେଶାତ୍ମବୋଧ,ଆଧ୍ଯ୍ଯାତ୍ମିକ ଭାବ

ଜାଗ୍ରତ କରାଇ ଦିଏ

ସୁପ୍ତଚେତନା ଦିଗଦର୍ଶନ ପାଇଁ

ଆହ୍ବାନଟି ଦେଇଥାଏ ।

ପ୍ରକୃତି,ସୁଷମା ବିଶ୍ବଦେବତାଙ୍କୁ

ଭାଗ୍ୟବିଧାତାଟି ଚିନ୍ତେ

ଆତ୍ମବିଶ୍ବାସକୁ ପ୍ରେରଣା ଦିଅଇ

ଭାରତୀୟ ହୃଦତନ୍ତ୍ରେ ।

ହିନ୍ଦୁ,ବୌଦ୍ଧ,ଶିଖ,ଜୈନ,ପାରସିକ

ମୁସଲମାନ,ଖ୍ରୀଷ୍ଟିୟାନ

ଜାତି,ଧର୍ମ,ଭାଷା,ବର୍ଣ୍ଣ ନିର୍ବିଶେଷେ

ସେ ପରା ସାର୍ବଜନୀନ ।

ଜନଗଣମନ ଦିବ୍ଯସୁଲୋଳିତ

ଜାତୀୟ ସଂହତିସ୍ବର

ପବିତ୍ର ଭାରତ ଜୟ ଭାରତର

ଜୟସୁଧାରସ ଧାର ।

*******************

ବୈଜୟନ୍ତୀ ସାହୁ,ଶିକ୍ଷୟତ୍ରୀ

ପିପିଲି,ପୁରୀ ।