ଜାଳି ଜାଗର

ପୂଜିବି ଶଙ୍କର କରିଛି ଉପାସ

ଉଜାଗର ରହି ଜାଳିଜାଗର

ନିରାସେ,ବିଷାଦେ ଥରିଉଠେ ପ୍ରାଣ

କେଉଁଠି ଅଛନ୍ତି ଶିବ ଶଙ୍କର ?

ଏ ଜଡଜଗତେ ଘୋଟିଛି ଅନ୍ଧାର

ନିଦ୍ରାବିମୋହିତ ସର୍ବ ଜୀବନ

ଘୋର ଅବିଶ୍ବାସ ଚିତ୍ତବିଜଡିତ

ଉଦ୍ଧାର କର ଏ ମର୍ତ୍ତ୍ଯଭୁବନ ।

ବଢୁଛି ଅନ୍ୟାୟ,ଅନିତୀ,ଅଧର୍ମ

ଜଗତ ପାପର ଭାରାରେ କ୍ରାନ୍ତ

ପାପତାପଯାକ ଶୋଷିନିଅ ପ୍ରଭୁ

କଳୁଷ,କାଳିମା ଯେତେ ବିଭ୍ରାନ୍ତ ।

ଆଶା ତ ଅସୀମ ପ୍ରତିମୁହୂର୍ତ୍ତରେ

ଉଙ୍କିମାରୁଥାଏ ମନର ବନେ

କି ଦ୍ରବ୍ଯେ ସନ୍ତୋଷ ଚିଦାନନ୍ଦ ତନୁ

ଜାଗୃତି ଜଗାଅ ସର୍ବ ନୟନେ ।

ଅନ୍ତରେ ନିରବେ ହୃଦ କପିଳାସେ

ଶୂଚିମନ୍ତ ହୋଇ ଦୀପକୁ ଜାଳି

ଅଶାନ୍ତି ,ଆବେଗ ଦୂରିଭୂତ ହେଉ

ଜୀବନର ଅର୍ଘ୍ୟ ଦେଉଛି ଢାଳି ।

——————————————

ବୈଜୟନ୍ତୀ ସାହୁ,ଶିକ୍ଷୟତ୍ରୀ

ନରସିଂହପୁର,ଶ୍ରୀରାମନଗର

ପିପିଲି,ପୁରୀ