କେବେ ହେବନାହିଁ ଜୟ ତୁମର

କେବେହେବ ନାହିଁ ଜୟତୁମର

——————————————

ମାନବ ସମାଜ ଆତଙ୍କିତ କରି

କେଉଁ ଜଶବାନା ଉଡାଉଛ

ପ୍ରଶାସନ,ଅର୍ଥନୀତି ଅବସ୍ଥାକୁ

ଅସ୍ଥିରତା ସୃଷ୍ଟି କାହିଁ କରୁଛ ।

ପ୍ରତିହିଁସା ପରାୟଣା ହୋଇତୁମେ

ବିପର୍ଯ୍ଯୟ କାହିଁ ଆଣ ସମାଜେ

ଗଣହତ୍ୟା,ହିଁସାକାଣ୍ତ ଘଟାଉଛ

କେଉଁ ଆଦର୍ଶନୀତିରହେଜେ ।

ପ୍ରତିକ୍ରିୟାଶୀଳ ଗୋଷ୍ଠିଗଢି ତୁମେ

ବୋମା ବିଷ୍ପୋରଣେ ରକ୍ତ ଭସାଅ

ସଂକୀଣ୍ଣଭାବାପନ୍ନ ମନନେଇ

ସନ୍ତ୍ରାସ,ଆତଙ୍କ ଯେ ରଚୁଥାଅ ।

ଗଣହତ୍ଯା,ଗୁଳିଗୋଳା,ପଥରରେ

ବୋମାବିଷ୍ପୋରଣେ ହତ୍ଯାଘଟାଇ

ଧର୍ମପୀଠ ଉଗ୍ରଜାତିଆଣ ଭାବ

ସଂକୀର୍ଣ୍ଣ ଚିନ୍ତାଧାରାକୁ ନେଇ

ପ୍ରତିଶୋଧ ପରାୟଣ ମନଭାବ

ତ୍ଯାଗକର ଅଭିଶପ୍ତ ରାକ୍ଷସ

ନିୟନ୍ତ୍ରଣ ସୀମାରେଖାଠୁଲୁଚିକି

ଚୋରପରିକିଆଁକର ପ୍ରବେଶ ।

ନୀତିହୀନତାର ଆଶ୍ରୟ ନେଉଛ

କେବେହେବ ନାହିଁ ଜୟ ତୁମର

ରକ୍ତପିପାସୁ ହିଂସ୍ର ନରରାକ୍ଷାସ

ଜିଘାଂସାବୋଧକୁ କରପରିହାର ।

ବିଭିନ୍ନଭାଷା,ଧର୍ମ,ସଂସ୍କୃତି ମିଳନ

ବହୁବୈସାଦୃଶ୍ଯ ମଧ୍ୟେ ସାଦୃଶ୍ଯ

ଅନୈକ ମଧ୍ୟରେ ଏକ ତା' ଆଦର୍ଶ

ଭାରତଠୁ ଶିଖ ଅସହିଷ୍ଣୁ ଦେଶ ।

************************

ବୈଜୟନ୍ତୀ ସାହୁ,ଶିକ୍ଷୟତ୍ରୀ

ନରସିଂହପୁର,ଶ୍ରୀରାମନଗର

ପିପିଲି,ପୁରୀ ।