ଜାତୀୟ ପତାକା

ସ୍ୱାଧୀନ ଦେଶର ସନ୍ତାନ ଆମେରେ

ସ୍ୱାଧୀନ ଚେତନା ହୃଦୟେ ଭରା

ଜାତିର ସମ୍ମାନ  ଜାତୀୟ ପତାକା

ଗର୍ବରେ ଉଡୁଛି ଭାରତ ସାରା ।

ତିନୋଟି ରଙ୍ଗର  ଅପୂର୍ବ ମିଶ୍ରଣ

ତ୍ରିରଙ୍ଗା ପତାକା ନାମରେ ଖ୍ୟାତ

ପବନ ପରଶେ  ନାଚି ନାଚି କହେ

ଆମେ ଦେଶବାସୀ ସମ୍ପୂର୍ଣ୍ଣ ମୁକ୍ତ ।

ଉପରି ଭାଗଟି  କେଶର ରଙ୍ଗର

ବାରତା ଦେଉଛି ବୀରତ୍ୱ, ତ୍ୟାଗ

ସତ୍ୟ, ପଵିତ୍ରତା  ଶାନ୍ତିର ବାରତା

ଦେଉଛି ମଝିରେ ଧବଳ ରଙ୍ଗ ।

ନିମ୍ନରେ ସବୁଜ  ରଙ୍ଗଟି ସଙ୍କେତ

ବାରତା ସମୃଦ୍ଧି,ବିଶ୍ୱାସ,ଶ୍ରମ

ଗାଢ଼ ନୀଳ ରଙ୍ଗ  ଶୋଭିତ ଚକ୍ରଟି

କହେ ବାର୍ତ୍ତା ନ୍ୟାୟ,ପ୍ରଗତି,ଧର୍ମ ।

ପତାକା ନୁହେଁ ସେ ଦେଶର ଗୌରବ

ସଦଭାବନାର ପ୍ରତୀକଟିଏ

ଏକତା ସୂତ୍ରରେ  ବାନ୍ଧିଛି ଆମକୁ

ଦେଶପୀରତିର ପ୍ରେରଣା ଦିଏ ।