ଇର୍ଷା

ଷଡ଼ ରିପୁ ମଧ୍ୟେ ଇର୍ଷା ଅଟେଏକ 

ମାନବ ମାନଙ୍କ ପାଇଁ,

ଶାନ୍ତି ଯଦି ତୁମେ ଚାହୁଁଛ ଜୀବନେ

ଇର୍ଷା ଠୁଁ ରୁହ ଦୂରେଇ l

ଇର୍ଷା ପାଇଁ ଆଜି ପରସ୍ପର ମଧ୍ୟେ

ବଢଇ ଶତ୍ରୁତା ଭାବ,

ଇର୍ଷା ଭାଙ୍ଗେ ସ୍ନେହସମ୍ପର୍କ ସବୁକୁ 

କରୁଣା ପାଏନି ଠାବ l

ଅନ୍ୟ ପ୍ରତି ଇର୍ଷା ଓଲଟା ସେ ବର୍ଚ୍ଛା 

ନିଜ ପାଶେ ଫେରିଥାଏ,

ଅନ୍ୟ ର କ୍ଷତି ସେ କରିବା ଆଗରୁ

ନିଜ ମନଟିକୁ ଦହେ l

ଭାଗ୍ୟ ଅନୁସାରେ ସୁଖ ଶାନ୍ତି ପ୍ରାପ୍ତ

ହୋଇଥାନ୍ତି ସର୍ବ ଜନ,

ଅନ୍ୟ ସୁଖ ଦେଖି ମନ ଜଳାଇବା

ଅଟେ ସେତଅକାରଣ l

କ୍ରିୟମାନ କର୍ମ ଅବା ସେ ପ୍ରାରବ୍ଧ 

ଅନୁସାରେ ଧନ ମିଳେ,

ନିଜ ନିଜ ଭାଗ୍ୟ ଫଳ ଭୁଞ୍ଜିଥାନ୍ତି

ଜନ୍ମ ହୋଇ ଧରା ତଳେ l

ଅନ୍ୟର ସମ୍ପଦ ଦେଖିବା ପୂର୍ବରୁ

କରିଯାଅ ନିଜ କର୍ମ,

କର୍ମ ଦେଖି ତୁମ ଫଳ ଦେବେ ସଦା

ପ୍ରଭୁ ସେଇ ଭଗବାନ l

ଇର୍ଷା ମନେ ଆଣି କର୍ମ ନକରିଲେ

ଫଳ କାହୁଁ ହେବ ପ୍ରାପ୍ତ,

ଅଯଥା ତୁମର ସମୟ ସରିବ 

ଭାବି ଭାବି ଦିନ ରାତ୍ର l

ତେଣୁରେ ମାନବ ଛାଡି ଇର୍ଷା ଭାବ

କର୍ମେ ହୁଅ ଆଗୁସାର,

କର୍ମ ହିଁ ଅଟନ୍ତି ଭଗବାନ ସେତ

ମନରେ ବିଚାର କର l