ଈଶ୍ଵର ସର୍ବତ୍ର ବିଦ୍ୟମାନ

ଅନନ୍ତ ଶକ୍ତିର ଆଧାର

ଅଚ୍ୟୁତ ଅବ୍ୟୟ ଅକ୍ଷୟ ଯିଏ

ସତ୍ୟ ସନାତନ ଚିରନ୍ତନ

ଯାହାଙ୍କର ସବିଶେଷ ଗୁଣମାନ

ନିରାକାର ପୁଣି ଆକାର

ଇଚ୍ଛା ମତେ କରିଥାନ୍ତି ଧାରଣ

ସେ ଅଖଣ୍ଡ ବ୍ରହ୍ମାଣ୍ଡକାର 

ନିତ୍ୟ ଅନିତ୍ୟ ଆଦି ଅନାଦି

ଚିର ଜାଜ୍ଜ୍ୱଲ୍ୟମାନ ଚେତନ

ସେ ଇଶ୍ଵର ସର୍ବତ୍ର ବିଦ୍ୟମାନ

ସେ ସର୍ବଜ୍ଞ ସର୍ବ ଶକ୍ତିମାନ

ତାଙ୍କର ଅସ୍ତିତ୍ବ କତ୍ତୃତ୍ଵ

ସବୁଠି ହୂଏ ପ୍ରତୀୟମାନ

ସେ ସୂକ୍ଷ୍ମ ଅଣୁ ପରମାଣୁରୁ

ସ୍ଥୂଳ ବ୍ରହ୍ମାଣ୍ଡ ଯାଏଁ ବିସ୍ତୃତ

ସେ ସବୁ କାରଣର କାରଣ

ସେ ପ୍ରାଣର ପ୍ରତିଷ୍ଠାତା ଆର୍ତ୍ତତ୍ରାଣ

ତାଙ୍କର ଶରଣରେ ହିଁ ଜୀବନ

ସେ ଦୃଶ୍ୟରେ ସେ ଅଦୃଶ୍ୟରେ

କୀଟ ପତଙ୍ଗରୁ ପ୍ରାଣୀଙ୍କ ମଧ୍ୟରେ

ସେ ଜୀବନୀ ଶକ୍ତି ପ୍ରାଣ ଶକ୍ତି

ସେ ଆତ୍ମା ପୁଣି ପରମାତ୍ମା

ସେ ସାରା ପ୍ରକୃତିରେ ସୁନ୍ଦର

ବୃକ୍ଷଲତାରୁ ସଚରାଚର

ସେ ଜଳେ ଅନଳେ ଅନୀଳେ 

ଭୂମିରୁ ଭୂମା ତାଙ୍କର ମହିମା

ସେ ଅସୀମ ନାହିଁ ତାଙ୍କର ସୀମା 

ବିଶ୍ବ ବ୍ରହ୍ମାଣ୍ଡ କରୁଥାନ୍ତି ପରିକ୍ରମା

ଈଶ୍ଵର ସର୍ବଶ୍ରେଷ୍ଠ ସର୍ବ ମହାନ

ସେ ଅଗାଧ ଅସରନ୍ତି ଜ୍ଞାନ

ନୀଳ ଆକାଶ ନୀଳ ସାଗର

ତାଙ୍କର ଜ୍ୟୋତିରେ ଦୃଶ୍ୟମାନ

ଈଶ୍ଵର ବ୍ୟତିରେକ ସବୁ ନଶ୍ବର

କ୍ଷଣସ୍ଥାୟୀ ନିମିତ୍ତ ମାତ୍ର

ସେ ଇଚ୍ଛାମୟ କରୁଣାକର

ତାଙ୍କରି ସୃଷ୍ଟି ସ୍ଥିତି ସଂହାର

ସାରା ସଂସାରର ସେ ବର୍ତ୍ତମାନ

ଈଶ୍ଵର ସର୍ବତ୍ର ବିଦ୍ୟମାନ...।