ଇଏ କି ପ୍ରକାର ସମ୍ପର୍କ ?

 

କେଉଁ ସେ ଦେବତା କିଏ ସେ ଜଣେ

ମୋ ମାର ଛବି ଆଙ୍କି ଥିଲା

ତା ହାତରେ ଗଢି ମୋ ପାଇଁ ସେ

ମା ର ଉପହାର ଟିଏ ଦେଇଦେଲା |

କେଉଁ ରଙ୍ଗର ତୂଳୀ ସାଜି ସିଏ 

ମୋ ମାର ସ୍ପର୍ଶ କୁ ତିଆରି କରିଥିଲା

ଜନ୍ମରୁ ମତେ ଏଇଟା ତୋ ମାର ସ୍ପର୍ଶ ବୋଲି

ପ୍ରଥମେ ଛୁଆଇଁ ଦେଇଥିଲା |

କେଉଁ କାରିଗର ସେ କେଉଁ ତୂଳୀ ରେ 

ମୋ ମାର ଗର୍ଭ ଗଢି ଥିଲା

ଏତେ ଛୋଟ ଜାଗାରେ ଜାଗା କରି ଦେଇ

ଆମକୁ ପେଟରେ ତା ଧାରଣ କରିନେଲା |

ନଅ ମାସ ଆମ କୁ ପେଟରେ ଧରି

ବୋଝକୁ ବି ନିଜର ଭାବିଲା

ଜନ୍ମରୁ ସେ ମୃତ୍ୟୁ ପର୍ଯ୍ୟନ୍ତ

ମୋର ଛୁଆ ସେ ଗର୍ବ ରେ ସଭିଙ୍କୁ କହିଲା |

ରଙ୍ଗ ବୋଲି ଗୋଟେ ରଙ୍ଗ ଅଛି

ପ୍ରେମର ସ୍ନେହର ଯେ ରଙ୍ଗ

ଭଙ୍ଗା ତୂଳୀ ହଉ କି ନୁଆଁ ତୂଳୀରେ 

ସାଜିବା ଆମେ ମା ପାଇଁ ଏକ ନୁଆଁ ଖୁସିର ଅମୂଲ୍ୟ ରଙ୍ଗ |