🪴ହସେ ମୋ ମାଟି ମାଆ🪴

ଗରବ ଆମର    ଗୌରବ ଆମର

     ଜନମି ଭାରତ କୋଳେ

ପୁର ପଲ୍ଲୀ ହସେ ଆନନ୍ଦ ଉଲ୍ଲାସେ

   ହସେ ମୋ ମାଟି ମାଆରେ.।0।

ନାହିଁ ଆଜି ସେହି ବିଦେଶୀ ଆଖିର

   ନାଲି ଆଖି ତୋପ ବାଣ

ଗର୍ଜି ଉଠୁନାହିଁ    କମାଣ ଏଇଠି

   ନେବାକୁ କାହାର ପ୍ରାଣ

ଆମରି ଦେଶକୁ  ଆମେ ଚଳାଉଛୁ

    ଶାସନ ଆମ ହାତରେ

ଆମ ହାତେ ଆମେ ଆଇନ ଗଢ଼ୁଛୁ

    ଜନମ ଭୂଇଁ ମଙ୍ଗଳେ .।୧।

ବିଜ୍ଞାନର କଳା କୌଶଳରେ ଭରା

   କେଉଁଥିରେ ଊଣା ନୋହୁ

ଜନମ ଭୂଇଁର    ସନମାନ ପାଇଁ

    ଏ ଜୀବନ ଚାଲି ଯାଉ

ବନିବୁ ସୈନିକ    ବନିବୁ କୃଷକ

   ଲାଗିବୁ ତାର ସେବାରେ

ହାରି ନାହୁଁ ଆମେ ହାରିବୁନି କେବେ

   ଲଢ଼ୁଆ ଜାତି ଆମେରେ ।୨।