ହରେକୃଷ୍ଣ ହରେରାମ

ଦେଉଳୁ ଦେଉଳ ଧାଉଁଅଛି ମୁହିଁ

   ଲଭିବି ଦର୍ଶନ ତୁମ

 ତୁମେ ସର୍ବ ବ୍ଯାପି ସବୁଠାରେ ଅଛ

   ତୁମେ ପରା ଆତ୍ମାରାମ ॥

ଯାହା ମୁଁ ମାଗିଛି ତାହା ତ ଦେଇଛ

   ଦେଇ ମଣିଷ ଜନମ

 ଖୋଜିବି ତୁମକୁ କେଉଁଠାରେ ପ୍ରଭୁ

  ସର୍ବଘଟ ତୁମ ଧାମ ॥

କଳିର କଳ୍ମଷ  ହୋଇ ଯାଉ ନାଶ

   ଜପି ଜପି ତବ ନାମ

ଥିବାଯାଏ ପିଣ୍ତ ଗାଉଥାଉ ତୁଣ୍ତ

   ହରେକୃଷ୍ଣ ହରେରାମ ॥

ନାମ ହିଁ ମରମ ନାମ ହିଁ ପରମ

   ନାମ ହିଁ ଯୁଗ ଧରମ

ନାମ ହିଁ ନାଶିବ ନାମ ହିଁ ଦଂଶିବ

  କଳିର କଳା କରମ ॥

ନାମଟି ଅଭିନ୍ନ ନାମି ଠାରୁ ଜାଣ

  ତତ୍ତ୍ବ ଅଟଇ ପରମ

ଭଜ ରାଧେଶ୍ୟାମ ନିତାଇ ଗୌରାଙ୍ଗ 

  ହରେକୃଷ୍ଣ ହରେରାମ ॥