ହୋଲି

ସାତରଙ୍ଗ ଯାକ ଦେହରେ ତୋହର

ବୋଳିଦେଲା ପରେ ଗୋରୀ

ଫିକା ପଡିଗଲେ ତୋ ଆଗରେ ଯେତେ

ରମ୍ଭା ମେନକା ସୁନ୍ଦରୀ

ହଳଦୀ ରଙ୍ଗକୁ ତୋ ଦେହରେ ବୋଳି

ଗୋରୀ ତତେ ସଜାଇଲି

ନାରଙ୍ଗୀ ରଙ୍ଗକୁ ଅତି ଯତନରେ

ଓଠରେ ତୋ ଲଗାଇଲି

ନୀଳ ରଙ୍ଗ ଶାଢ଼ୀ ଯେବେ ପିନ୍ଧାଇଲି

ରୂପ ତୋ ବଦଳି ଗଲା

କଳାରଙ୍ଗ ମୋର ତୋ କଳା କେଶରେ

ସୃଷ୍ଟି କଲା ମେଘମାଳା

ନାଲିରଙ୍ଗକୁ ମୁଁ ଅଳତା କରିଣ

ପିନ୍ଧାଇଲି ତୋର ପାଦେ

ତୋ ନାଲି ଓଠର ହସ ଦେଖି ଦେଖି

ନିଆଁ ଲାଗେ ମୋର ହୃଦେ

ସାତଟି ରଙ୍ଗର ସମିଶ୍ରଣେ ମୁହିଁ

ବଦଳାଏ ତୋର ରଙ୍ଗ

ସେଥିପାଇଁ ବୋଧେ ମୋ ଦେହେ ମାରିଲୁ

ତୁହି ଛଳନାର ରଙ୍ଗ

ଯେତେ ମୁଁ ଧୋଉଛି ତୋ ରଙ୍ଗ ବଢୁଛି

ଯମା ଲିଭେନି ତା ଦାଗ ।