ହେପି ପ୍ରପୋଜ

ପ୍ରପୋଜ ଟିକିଏ   ମାରିବା ପାଇଁକି

   ବାରି ପଟୁ ଗଲି ପଶି

କୋଉଠି ଥିଲା ସେ ବାଇଢଙ୍କ ଡଙ୍କ

   ପଡ଼ିଲା ଦେହରେ ଖସି ।

ପ୍ରପୋଜ ମାରିବା ଆଉକି ହୋଇଲା 

   କୁଣ୍ଡେଇ କୁଣ୍ତେଇ ଆସି

ଓଉ ଫଳିଗଲା ଦେହ ଯାକ ମୋର

   ମନ କଷ୍ଟେ ଗଲି ବସି ।

ପ୍ରପୋଜ ଡେଏଟା  ପାଣି ଫାଟିଗଲା

   ପ୍ରିୟା ଗଲା ମୋର ରୁଷି

କହିଲା ମୋ ପ୍ରିୟା ପ୍ରପୋଜ ଡେଏରେ

    ପ୍ରପୋଜ କଲନି ଆସି ।

କହିଲି ପ୍ରିୟାକୁ କଥାକୁ ବିସ୍ତାରି

   ପ୍ରିୟା ଟିକେ ଦେଲା ହସି

କହିଲା ରାଗନି  ଧନଟା ମୋହର

    ସୁଯୋଗ ଲାଗିଛି ଆସି ।

    ଏକା ଥିବି କାଲି ବସି 

ଗୋଟାଏ ଗୁଳିରେ ଦୁଇଟା ଶିକାର

    କରିନେବ ତୁମେ ଆସି ।