ହେବି ମୁଁ ଦିନେ

( prompt -15  )

ମାନବ ସମ୍ବଳ ଅଟେ ମହାବଳ 

ତା'ଠୁ କିଏ ହେବ ସରି 

ଯାହାକୁ ଯେମିତି ତିଆରେ ସେମିତି 

ନିଜ ଦରକାର ପରି ll 1

ପ୍ରକୃତିର ଦାନ ଖଣିଜ ପଦାର୍ଥ 

ହେଉ ସୁନା ରୂପା ହୀରା 

କୋଇଲା ପେଟ୍ରୋଲ ମାଙ୍ଗାନିଜ ଅଭ୍ର

ବ୍ୟବହାର କରେ ପରା ll 2

ନିଜ ଜ୍ଞାନ ବଳେ ଚଢେ ହିମଗିରି 

ଲଙ୍ଘେ ସେ ସାତ ସାଗର 

ମହାକାଶେ ଯାଇ ରହିଲାଣି ସିଏ 

ନକରି କାହାକୁ ଡର ll 3

କଳକାରଖାନା, ବନ୍ଧ ,ପୋଲ ,ଘର 

ବିଦ୍ୟୁତ ମୋଟରଯାନ 

କେତେ ଆବିଷ୍କାର କେତେ ଉଦ୍ଭାବନ 

ବିକଶେ ତାହାରି ଜ୍ଞାନ ll4

ଯୋଗାଯୋଗ, ସ୍ବାସ୍ଥ୍ୟ , କୃଷି, ବୈଷୟିକ 

ରାସ୍ତା ଘାଟ କାରିଗରୀ 

ନୂଆ ଯନ୍ତ୍ରପାତି ଚିକିତ୍ସା ବିଜ୍ଞାନ 

ଗବେଷଣା ଦିଏ କରି ll 5

ସବୁରି ମୂଳରେ ବିତରଇ ଜ୍ଞାନ 

ବିକାଶେ ଅନ୍ତର ଗୁଣ 

ଶିକ୍ଷାଦାନ ପରି ମହତ କାର୍ଯ୍ୟକୁ 

ଶିକ୍ଷକ କରଇ ଜାଣ ll6 

ଶିକ୍ଷକଟିଏ ମୁଁ ହୋଇ ଦେଶ ପାଇଁ 

ବିତରିବି ଜ୍ଞାନାଲୋକ 

ପିଲାଏ ପଢ଼ିବେ ନିଜକୁ ଗଢ଼ିବେ 

ହେବେ ବଡ ବୈଜ୍ଞାନିକ ll 7