ହେ ସ୍ୱପ୍ନ ଆ ଥରେ

ହେ ସ୍ୱପ୍ନ ଆ ଥରେ

ନିଦଭରା ନିଶବ୍ଦ ରାତି

ଆକାଶେ ହସୁଛି

ତାରକାଙ୍କ ମେଳେ

ମଧୁଝରା ଜହ୍ନ ।

ଦେହରେ ଭାଙ୍ଗୁଛି ଅଳସ

ତୋ ବିନା ଆଖିକୁ

ଆସେ ନାହିଁ ନିଦ

ଦେହ ଖୋଜୁଛି ତୁମରି ପରଶ ।

ମନେ ମୋର ତୁମ ପାଇଁ

ଅନେକ ଭାବନା

କାହିଁ ଛାଡିଗଲ ତୁମେ

ଦୂର ଦିଗବଳୟର ଆରପାରିକୁ

ମନରେ ଭରିଦେଇ

ଅନେକ ଯାତନା ।

ଏ ଦେହ ଖୋଜୁଛି ଆଜି

ତୁମ ନରମ ବାହୁର ଆଲିଙ୍ଗନ ।

ଆଉ ମଧୁଭରା ନରମ ଓଠର

ଉଷ୍ଣ ଚୁମ୍ବନ ।

ହେ ସ୍ୱପ୍ନ ଆ ଥରେ

ତୁମେ ଆସିଲେ

ନିରାଶାର ଭାବନା ଭିତରେ

ଝଲସି ଯାଏ

ଆଶାର ଝଲକ ।

ଅନ୍ଧାରି ମୁଲକେ ଉଙ୍କି ମାରେ

ଅନୁଭବୀ ପ୍ରିତିର ପୁଲକ ।

ତୁମରି ସ୍ପର୍ଶେ

ଅଙ୍ଗେ ଅଙ୍ଗେ ଖେଳିଯାଏ

ଅପୂର୍ବ ଶିହରଣ ।

ଇଛାହୁଏ

ଆଖି ଖୋଲି ଦେଖିବାକୁ

ଟିକେ ଛୁଇଁବାକୁ

ଟିକେ ଅନୁଭବ କରିବାକୁ ।