ହେ ନ୍ୟାୟାଧିଶ

ତୁମେ କରିବ କି ବିଚାର,

ତୁମେ କରିବ କି ବିଚାର

ଆହେ ନ୍ୟାୟାଧୀଶ ହେ ଜଗଦୀଶ

  ଇଏ କେମିତି କା ସଂସାର ।

ଯେଉଁ ମା ଦିନେ ଜନ୍ମ ଦେଇଥିଲା

     ଦଶ ମାସ ଗର୍ଭ ଧରି

ସେଇ ପୁଅ ଆଜି ପର କରିଦେଲା

    ଲୁହ ଯାଉ ଅଛି ଝରି

ମାକୁ ପୁଅ ପର କରିଦିଏ 

    ହୋଇ ଏତେ ନିଷ୍ଠୁର

ତୁମେ କରିବ କି ବିଚାର ।

ଯଉତୁକ ପାଇଁ ଝିଅ କୁ ଏଠି

    ବଧୂ ହତ୍ୟା କରା ଯାଏ

ନିରୀହ ଝିଅ ଯାତନା ଭୋଗେ

    କେଉଁ ଦୋଷ ପାଇଁ ସିଏ

ନାରୀ ଦୁଃଖ ପାଏ କଷ୍ଟ ଭୋଗୁଥାଏ

   କୁହ କାହିଁ ଠାକୁର

ତୁମେ କରିବ କି ବିଚାର ।

ଭାଇ ଭାଇ କୁ ପର କରିଦିଏ

    ଧନ ସମ୍ପତ୍ତି ପାଇଁ

ରକ୍ତ ଠାରୁ ରକ୍ତ ଦୁରେଇ ଯାଏ

    ସ୍ୱାର୍ଥ ଆଉ ଲୋଭ ନେଇ

ଭାଇ ଭାଇ ରେ କଳି ଲାଗିଥାଏ

    ମନେ ଥାଏ ଅହଂକାର

ତୁମେ କରିବ କି ବିଚାର ।