Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Anandasankar Sahoo

Tragedy

4.9  

Anandasankar Sahoo

Tragedy

ହେ ମଣିଷ

ହେ ମଣିଷ

1 min
4.3K



ବିଚିତ୍ର ସ୍ରଷ୍ଟାଙ୍କ ବିଚିତ୍ର ସଂସାରେ

         ଏଇ ବିଚିତ୍ର ଜନମ ପାଇଛୁ ।

ଅଢେଇ ଦିନର ଜୀବନରେ ତୋର 

         ଆଜି ଗର୍ବ କାଇଁ ପାଇଁ କରୁଛୁ ।।

ଆଜି ଯିଏ ପର କାଲି ସେ ନିଜର

        ଆଜି ପର ତୁ କାହାକୁ କହୁଛୁ ।

ନିଜ ଘର ସତେ ନିଜେ ତ ଭାଙ୍ଗିଛୁ

        ଆଜି ଦୋଷ ତୁ କାହାକୁ ଦଉଛୁ ।।

ମଣିଷ ପଣିଆ ହଜିଲାଣି ତୋର

        ଆଜି ପଶୁତ୍ୱରେ ପୂର୍ଣ୍ଣ ହୋଇଛୁ ।

କଳିଯୁଗର ତୁ କୁଳାଙ୍ଗ ସାଜିଛୁ

        ଆଜି ମିଥ୍ୟାର ବନ୍ୟାରେ ଭାସୁଛୁ ।।

ସଂସାର ଭିତରେ ଘର ଟେ କରିଣ

        ଖାଲି ନିଜ ସ୍ୱାର୍ଥ ଲାଗି ବଞ୍ଚିଛୁ ।

କେବେ ଯେ ନୋହିଲୁ ଅନ୍ୟର ସାହାରା

        ଆଜି ଅନ୍ୟର ସାହାରା ମାଗୁଛୁ ।।

ଭଲପାଇବାରେ ଛଳନା ଭରିଛୁ

       ମିଥ୍ୟା ପ୍ରଲୋଭନ କେତେ ଦେଇଛୁ ।

ଭଲପାଇବା ତୁ କାହାଠୁ ଖୋଜୁଛୁ

      ଧୋକା ଦେଇ ପୁଣି ନିଜେ ଲୋଡୁଛୁ ।।

ଟଙ୍କାର ଗଦିରେ ନିଇତି ଶୋଉଛୁ

        ମା କୋଳ ସୁଖ ତୁ ଭୁଲି ଯାଇଛୁ ।

ଜନ୍ମ କଲା ବାପା ଦାଣ୍ଡରେ ଶୋଉଛି

         ଆଜି କି ସୁଖ ସତେ ତୁ ପାଉଛୁ ।।

କୋଉ ଘର ପିଲା ତୁ କଣ ହେଲୁଣି

        ନା କେବେ କଳନା ତା'ର କରିଛୁ ।

ନିଜ କର୍ମଫଳ ନିଜେ ତ ଭୋଗୁଛୁ

        ଆଜି କି ଲାଗି ଆଉରେ କାନ୍ଦୁଛୁ ।।

                   


Rate this content
Log in