ହାଟ
ହାଟ
ଜୀବନ ହାଟରେ ଶହ ଶହ ଗ୍ରାହକ
କିଏ କିଣେ ବିକେ କିଏ,
ବିକିବା ଲୋକ ବି କିଣିବାକୁ ପଡେ
ସମସ୍ତେ ଗ୍ରାହକ ଟିଏ ।
ନିଜ ବୁଦ୍ଧି ନେଇ ବ୍ୟବସାୟ ହୁଏ
ସଭିଙ୍କ ସୁବିଧା ହୁଏ,
ସ୍ଵାର୍ଥପରତା ର ବେପାରୀ ଜଣକ
ସବୁବେଳେ ଦୁଃଖ ପାଏ ।
କିଏ କିଣି ଥାଏ ଆମିଷ ଗୋରସ
କିଏ କିଣଇ ପରିବା,
ନିଜ ଆବଶ୍ୟକ ତୁଲାଇବା ପାଇଁ
ଚାଲଇ ଯିବା ଆସିବା ।
ହାଟରେ ମିଳଇ ସମସ୍ତ ପଦାର୍ଥ
ଯାହାକୁ ଖୋଜିବ ଯେତେ,
ହାଟରେ ଭେଟନ୍ତି ଭିନ୍ନ ଭିନ୍ନ ଜନ
ଆନନ୍ଦ ମିଳଇ କେତେ ।
ଦେଖା ଦେଖି ହୁଏ ବନ୍ଧୁ ସଖା ମିଳେ
ହାଟରେ ଗପିବା ପାଇଁ,
ଜୀବନ କାହାଣୀ କିଏ ବଖାଣଇ
କିଏ କାନ୍ଦେ ଦୁଃଖ କହି ।
ହାନି ଲାଭ ଅଛି ହାଟ ବଜାର ରେ
ଦେଖି ବେପାର ବଣିଜ,
ସେ କରେ ଉନ୍ନତି ବ୍ୟବହାର ଦେଖି
ସେ ଜାଣେ ଲାଭ ମଉଜ ।
ହାଟ ଓ ବାଟରେ ବ୍ରହ୍ମଜ୍ଞାନ ଖୋଲି
ତୁଚ୍ଛା ରେ ଯେ କରେ ଗର୍ବ,
ତା ଠାରୁ ମୁରୁଖ ଜଗତରେ ନାହିଁ
ଧିରେ ଧିରେ ସରେ ସର୍ବ ।
ମନ ଓ ବିବେକ ଲାଲସାର ପାଇଁ
କିଣା ବିକା ହୋଇଥାଏ,
ଯେ ଯାହା ଚାହାଁନ୍ତି ସେ ତାହା କିଣନ୍ତି
ଶକ୍ତି ଦେଖି ଚିଜ ନିଏ ।
ସ୍ବାର୍ତ୍ତିକ ପୁରୁଷ ଅଧର୍ମ ଜନତା
ହୋଇଯାଏ ଏଠି ବାରି,
ଇଚ୍ଛାରେ ପଡିଣ ତୁଚ୍ଛାଟାରେ ଜନ
ମାୟା ଜାଲେ ହୋ'ନ୍ତି ଘାରି ।
ଜୀବନ ହାଟରେ ଶରୀରର କାମ
ସୁସ୍ଥ ପାଇଁ ଚେଷ୍ଟା କରେ,
ହେଲେ ଏ ମଣିଷ ଲାଳସାରେ ପଡ଼ି
ଭିନ୍ନ ପଥଟିକୁ ଧରେ ।
ହୁଙ୍କା ପିଟା ଜନ ହେରେଇ ହେରେଇ
ସନ୍ଦେହରେ ଚାହିଁ ଥାଏ,
ହେଳାରେ ମାନବ ସବୁ ଭୁଲିଯାଏ
ଶେଷରେ ହ୍ରେଷା ଧ୍ବନି ଦିଏ ।
ହେୟ ମନେ କରେ ଗୁଣି ଜ୍ଞାନୀ ଜନେ
ହେମତ୍ ନ ପାରେ ସଞ୍ଚି,
ହେତ୍ବା ଭାଷ ଭାସେ ବାହୁସ୍ଫୋଟ ମାରେ
କରିପାରେ ନାହିଁ କିଛି ।
ବନ୍ଧୁ ମିଳନର ପ୍ରଶସ୍ତ ସ୍ଥାନଟି
ହାଟରେ ତ ମିଳିଥାଏ,
ମଜାମଉଜରେ ସେ ଦିନ ଟି ବିତେ
ଭାଗ୍ୟରେ ଥିଲେ ସେ ପାଏ ।