ହାତ ଛାଡିଲା ପରେ

        

ମାଆ ହାତ ଛାଡିଲା ପରେ

ପାଦ ପଡେ ଅବାଟରେ

ବାପା ହାତ ଛାଡିଲା ପରେ

କୁସଙ୍ଗରେ ଦିନ ସରେ

ଭାଇ ହାତ ଗଲେ ଗଲେ ଦୂରେ

ଦୁଃଖ କହିଲେ ନସରେ

ଭଉଣୀ ଗଲେ ଶାଶୁ ଘରେ

ନିସହାୟ ହାତ ଧରେ ।

ଗୁରୁ ହାତ ଛାଡିଲେ ଥରେ

ବିପଦଟା ଆଖି ମାରେ

ସ୍ତ୍ରୀ ଛାଡି ଗଲାପରେ

ଦିନ ବିତେ ବିଜନରେ

ପୁଅ ହାତ ଗଲେ ଦୂରେ

ଅସୀମ ଅଶ୍ରୁ ଆସେ ଆଖିରେ ।

ଝିଅଟା ନଥିଲେ ପାଖରେ

ଅଙ୍ଗ ପ୍ରତ୍ଯଙ୍ଗ ଖୋଜି ମରେ

ଭାଇ ବନ୍ଧୁ ନଥିଲେ ପାଖରେ

ନିରାଶାରେ ଘର ଭରେ

ତୋ ହାତ ଟିକେ ଛାଡି ଦେଲେରେ ।

ସବୁ ଥାଇ ନିଃସ୍ବତା ଚତୁର୍ଦିଗରେ

ଏ ହାତ ଥାଉ ସଦା ତୋ ହାତରେ

ତୋର ହୋଇ ରହିବି ଶାନ୍ତିରେ

ସବୁ ହାତ ଛାଡିଲା ପରେ ।