ଗରିବୀ

ଗରିବୀ ହଟିଲେ କାହା ପାଇଁ ନେତା

   କାନ୍ଦିବେ କୁମ୍ଭୀର କାନ୍ଦଣା

କାହା କଥା କହି ଭୋଅଟ ମାଗିବେ

   ପାଇବେ ଅନେକ ଯନ୍ତ୍ରଣା

   କୁବେର ବି ଭାରି ସିଆଣା

ଗରିବ ଖାତାରେ  ନାଁ ଲେଖି ବାକୁ

   କରୁଛନ୍ତି କେତେ ମନ୍ତ୍ରଣା

    

    

ରାଜନୀତି ଯୁଗେ ଭୋଅଟ ନୋଅଟ

   ଟ୍ରେଣ୍ଡ ଚାଲି ଅଛି ମାଗଣା

କେଉଁ ପୁଅ ଏଠି  ନ ଦେଇକି ଭଲା

    ଝୁଲାକୁ କରିବ ଭରଣା

   ଆମେ ସବୁ ଯେତେ ଢମଣା

ବୁଲି ବାଲି କରି  ଶେଷକୁ ଭାଇରେ

   ଧରି ଥାଉ ସେଇ ଅଗଣା

ଆଇନି କାନ୍ଦୁଛି    ସକେଇ ସକେଇ

   ଦୁଃସ୍ଥ ଦିଏ କେତେ ଗଞ୍ଜଣା

ଚତୁର ଶୃଗାଳ    ତୋଷାମଦି କରି

   କରେ କେତେ ବାଟ ମାରଣା

    ହୁତେଇ ହୁତେଇ ଧାରଣା

ଦୁଃଖ ହିଁ ଦୁଃଖ ତ  ଗରିବ ଜୀବନେ

    ସତେ ଉପଯୁକ୍ତ ପାଉଣା