ଦେଖି ହସିବ ଏ ଧରା

ସବୁରି ମୁହଁ ରେ ଅହିଂସାର ବାଣୀ 

ଗାନ୍ଧୀଙ୍କର ବୋଲକରା ।

ସତ୍ୟ ଧର୍ମ ନ୍ୟାୟ  ଅତର ମାଖିକି

ବୁଲୁ ଥାନ୍ତି ଘେରା ଘେରା ।।

ପାଦ ଛୁଇଁ ପୁଣି  କେତେ ଦଣ୍ଡବତ

କଥା ତ ମହୁରେ ଭରା ।

ରାଜନୀତି ମାଠେ କୁଶଳୀ ଖେଳାଳି

ସରା କୁ କରୁଛ ଧରା ।।

ତେବେ କିଆଁ ଏତେ ରାଜନୀତି ହିଂସା

ମେଲିଛି ତା'ର ପସରା ।

ହୃଦୟରେ ହିଂସା  ବାହାରେ ଅହିଂସା 

ଏହାହିଁ ତୁମ ଇସାରା ।।

ଗଣତନ୍ତ୍ର ନାମେ ଗଣ ମରେ ଏଠି

ପାଏ ନାହିଁ ତା କିନାରା ।

ତନ୍ତ୍ର ତନ୍ତ୍ରୀ ପରା  ବାଘର ଆଉଁସା

ଗୁଣି ସାଜେ ଏଠି ଜରା ।।

ବଞ୍ଚିଥାଉ ପରମ୍ପରା,

କଙ୍କାଳ ଦେହରେ  ମାଉଁସ ଲାଗିବ

ଦେଖି ହସିବ ଏ ଧରା ।