ଗରିବ ଘରେ ବର୍ଷା
ଗରିବ ଘରେ ବର୍ଷା
ଖୁବ ଜୋରରେ ବର୍ଷା
ମଝିରେ ମଝିରେ ଗର୍ଜନ କରି
ମାଡି ଆସୁଛି ଘଡଘଡି ।
ଚାଳରୁ ଅବିରତ ପାଣି
ଗଡିବାରେ ଲାଗିଛି ।
ରାସ୍ତାଘାଟ ସବୁ
କାଦୁଅ ଚପର ଚପର
ନଈ ନାଳ ସବୁ
ଉଛୁଳି ପଡ଼ିଲାଣି ।
ପଛପଟ ମାଟି କାନ୍ଥ
ପଡି ଚାଳ ତଳେ ଲାଗିଲାଣି ।
ଅମାନିଆ ପବନଟା ମଝିରୁ ମଝିରୁ
ଛଣ ଉଡେଇ ନେଇଛିଯେ
ଘର ଭିତରେ ବର୍ଷା ।
ଯୁଆଡେ ଦେଖିବ
ବଲତି,ମାଡ଼ିଆ, କଂସା
ଥୁଆ ହୋଇଛି ।
ଚୁଲିରେ ପାଣି ପଶି ଯାଇଛି
ରୋଷେଇବାସ ସବୁ ବନ୍ଦ
ଆଖିର ଲୁହ ସବୁ ବୋହି
ବର୍ଷା ଜଳ ସହ ମିଶି
କୁଆଡେ ମିଳେଇ ଯାଉଛି ।
ସତେ ଯେମିତି ବର୍ଷାଟି
ଦାଉ ସାଜିଛି ଏହି ଗରିବ ଉପରେ ।