Library
Profile
ଗୋମାତା
ଗୋମାତା
ବର୍ତ୍ତମାନ ସଙ୍କୁଚିତ ଯେଉଁଠି
ବିଜ୍ଞାନର ବୈପ୍ଳବିକ ଦ୍ଵାରେ
ଗାଈକୁ ଗୋମାତା କହିଲେ କହୁଛନ୍ତି
ଲୋକଟି ଆକ୍ରାନ୍ତ ଅନ୍ଧ ବିଶ୍ବାସରେ l
ତେଣୁ ଝଙ୍କାଳିଆ ବରଗଛ ତଳେ
ଅବା କେଉଁ ସନ୍ତ ସନ୍ତିଆ ଗୁହାଳେ ,
ଗୋମାତା ବନ୍ଧା ହୋଇ ପଡ଼ି ରହୁ ଅଛି
ଦିନ ମାସ ବର୍ଷ ବର୍ଷ ଧରି
ଏମିତି ବି ଏବେ ଆଉ ଚାରଣ ଭୂମି କାହିଁ
ସହର ବଜାରରେ ଆଗ ପରି l
ନଡା ପଟେ ଅବା ଦି ମୁଠା ଦାନା ଖାଇ
ଦିନ ରାତି ବନ୍ଧା ରହେ ବିକଳରେ ଚାହିଁ ,
ଧର୍କୁ ଆଖି ଠାର ଏ ଡାକ ଗୋମାତା ର
ସତ କହିବାକୁ ଗଲେ ଏହାର ମାନେ କିଛି ନାହିଁ l
>
ଖୋଲା ଖୋଲି ଅଧର୍ମ ଏଠି
ଗାଈକୁ ଟେକି ଦେଉଛନ୍ତି କଂସେଇ ହାତକୁ
ଦି ପଇସା ଲୋଭରେ
କିଏ ବା ରୋକୁଛି ଗୋ ଚାଲାଣକୁ l
ନିଶ୍ଚିତରେ ଆଉ ସେ ଯୁଗ ଆଜି ନାହିଁ
ଗାଈ ଗୋରୁ ପୂଜୁ ଥିଲେ ଲୋକେ ଗୋମାତା କହି,
ତା' କ୍ଷୀର ,ଗୋବର ବିନା
ହେଉ ନ ଥିଲା ପୂଜା ପଶା ଭଲ ମନ୍ଦ
ସେ ଥିଲେ ଘରେ ସଦା
ମନେ ଜାଗୁ ଥିଲା କେତେ ଖୁସି କେତେ ଆନନ୍ଦ l
ତେବେ କ'ଣ ସତରେ ଫେରିବ
ସେଦିନ ସବୁ କେବେ ଆମ ସମାଜରେ
ଆଦର ସରାଗ କରି ପୂଜିବେ ଲୋକେ
ଗୋମାତା କୁ ପୁଣି ନିଜ ନିଜ ଘରେ l
