ଗୋଲାପି ଚିଠି

ତୁମ ହାତ ଲେଖା ପ୍ରଥମ ଚିଠି 

ଅତର ବାସ୍ନାରେ ମହକି ଉଠୁଛି ।।

ଲଫାପା ର ରଙ୍ଗ ଗୋଲାପି 

ତୁମ ଠାରୁ ପାଇଲା ପରେ 

ମାେ ମନ ଚୋରଣି ହେଇ ଗଲାଣି ।।

ଖୋଜୁଛି ନିରୋଳା ଜାଗା 

ଯେମିତି କେହି ନ ଜାଣି ପାରନ୍ତି 

ଏଯାଏ ଚିଠି ଖୋଲି ପାରୁନି ।।

ମୁଁ ଯାହା ଭାବୁଛି ,

ଯଦି ସେଇଆ ଲେଖା ଥାଏ 

ବହୁତ୍ ପୂର୍ବରୁ ଦୁହେଁ 

ପଢି ସାରିଛୁ ମନ ର କଥା 

ପୁଣି ଆଖିର ଭାଷା ।।

ଖାଲି ଯାହା ,

ଦୁହିଁଙ୍କର ଦସ୍ତାବିଜ ର ସମ୍ମତି ଲୋଡା 

ପୁଣି କଣ ଏଣୁ ତେଣୁ ଭାବୁଛି ??

ଚିଠି ଟା ତ ଖୋଲି ଦେଖେ ।।

ମୁଁ ଏ ବାସ୍ନାରେ ମୋର ସତ୍ତା ,

ହରେଇ ବସୁଛି 

ଚିଠି ପଢ଼ି ,

ମୁଁ କଣ ଆଉ ମୁଁ ହେଇ ଥିବି ??

ଏବେଠୁ ଗୋଟେ ପଟେ ମୁଁ ମୋ ଚିଠି,

ଆଉ ଗୋଟେ ପଟେ ଏ ସାରା ଦୁନିଆ

ଯିଏ ଯାହା କହୁ 

ମୋର କି ଯାଏ ??

ପ୍ରେମ କାହା ପାଇଁ ବିଷମ ଜାଣେନି 

ମୋ ପାଇଁ ତ ମହ ମହ ମଳୟ ର ବାସ୍ନା 

ଲେଖା ଅଛି ,

ମୁଁ କୁଆଡେ ବହୁତ ଆପଣାର

ମନ ପୁଣି ବନ୍ଧା ପଡି ଯାଇଛି ଆପେ ଆପେ ।।

ଆଖି ଦୁଇ,

ସବୁ ଠିକଣା ଭୁଲି ମୋ ପାଖେ ବାଟବଣା 

ଏତେ ସବୁ ଭାବାବେଗ କଣ 

ପ୍ରେମର ରୂପରେଖ ????

ଏକ ହେଇ ବଞ୍ଚିବା ର ପ୍ରତିଶୃତି ,

ସବୁ କୋହ ରେ ମୋହ ରେ ;

ନୀତି ସ୍ଥିତି ରେ ଭାଗିଦାରୀ 

ମୋ ପାଇଁ ମୋ ପ୍ରିୟ ର 

ହାତ ଲେଖା ଗୋଲାପି ଚିଠି ।।