ଗୋଲାପ ଫୁଲଟେ କି ହେବ ମୋହର ଗୋଲାପ ପ୍ରିୟାର ମୁହଁ

ଗୋଲାପ ଫୁଲଟେ କି ହେବ ମୋହର

ଗୋଲାପ ପ୍ରିୟାର ମୁହଁ

ନରମ ଚାହାଣି ହସର ଝୁଲାରେ

ମୁଁ ଅଳି ଅଗାଧ ସ୍ନେହ 

ଗୋଲାପ ଫୁଲଟେ କି ହେବ ମୋହର

            ଗୋଲାପ ପ୍ରିୟାର ମୁହଁ ! ୦ !

ଜହ୍ନକୁ ଦେଖିକି ଶୀତଳ ଆଣିନି

ଉଜ୍ଜ୍ୱଳ କରିବି ମାପ

ମୋ ପ୍ରିୟା ଏମିତି ଶୀତଳ ମନରେ

ଉଜ୍ଜ୍ୱଳ ଅଭୁଲା ରୂପ,

ସେ ରୂପର ବନ୍ୟା ଉତ୍ତଳା କରିଛି

ପ୍ରେମର ନିୟତ ମୋହ

ଗୋଲାପ ଫୁଲଟେ କି ହେବ ମୋହର

            ଗୋଲାପ ପ୍ରିୟାର ମୁହଁ ! ୧ !

ଉପମା ଛାଞ୍ଚରେ ପ୍ରିୟାକୁ ପକାଇ

ତୁଳନା ଦେଇଛି ଛାଡ଼ି

ମୋ ପ୍ରିୟା ହଜାରେ ଉପମା ବଳିଛି

ଦେଖୁଛି ଅଠର ଘଡ଼ି,

ମନକୁ ମନ ଯେ କାବ୍ୟରେ ବୁଡୁଛି

ଧରି ମୁଁ କବିର ଦେହ 

ଗୋଲାପ ଫୁଲଟେ କି ହେବ ମୋହର

            ଗୋଲାପ ପ୍ରିୟାର ମୁହଁ ! ୨ !