ଲାଇବ୍ରେରୀ
ପ୍ରୋଫାଇଲ୍
ଘର ମୋର ଶିରୀମନ୍ଦିର
ଘର ମୋର ଶିରୀମନ୍ଦିର
1 min
157
ଝାଟି ମାଟିରେ ଘର ମୋର
ଖରା କି ବର୍ଷାକୁ ନାହିଁ ଖାତିର
ମାଟିର ମଣିଷ ମୁଁ
ସୁରୁଜ ଉଇଁଲେ କ୍ଷେତକୁ ବାହାରେ
ଏଇ ମାଟି ସାଥେ ଦିନ ବିତିଯାଏ
କୃଷକ ଭାଇଟେ ମୁଁ ll
ଧନ ରତ୍ନକୁ ନାହିଁ ମୋ ଲୋଭ
ପ୍ରାସାଦ ଅଟ୍ଟାଳିକାକୁ ନାହିଁ ନଜର
ମୋ ମାଟି ମାଆ ମୋ ନିଜର
ଏଇ ମାଟିରେ ଜନମ ମୋର
କର୍ମ ଭୂମି ବି ଏଇ ମାଟିର
ସୁନା ଫଳାଏ ମୁଁ ll
ମାଟିର ଘର ମୋ ସରଗପୁର
ମୋ ପାଇଁ ସେ ଘର ଶିରୀ ମନ୍ଦିର
ସ୍ୱପ୍ନ ଦେଖେ ମୋ ଖୁସି ପରିବାର
ସ୍ୱପ୍ନ ଦେଖେ ମୋ ଭବିଷ୍ୟତର
ଉଚ୍ଚ ଆଶା କେବେ କରିନାହିଁ
ଈଶ୍ୱରଙ୍କ ପାଖେ ସବୁ ସମର୍ପି
ନିଜ ଉପରେ ଭରସା କରି
ଯାହା ପାଅଇ ଖୁସିରେ ନିଅଇ ll
ଏଇ ଘର ମୋର ମନ୍ଦିର
ଏଇ ଘରେ ଜନମ ମୋର
ବାପା ବୋଉ ମୋ ଦେବତା ମୋର
ହେଉ ସେ ମାଟି ହେଉ ବା ଝାଟି
ମୋ ପାଇଁ ଏ ଘର ଶିରୀମନ୍ଦିର ll
