ଗଡ଼ି ଗଡ଼ି ଗଲା ବାଟି

ଗଡ଼ି ଗଡ଼ି ଗଲା ବାଟି

ମୁଖପୁସ୍ତକରେ ଭାବ ଦିଆନିଆ

ଚାଲୁଅଛି ଭାରି ଖଟି !

ଡେଇଁ ଡେଇଁ ଗଲା ବଣି

ସାହିତ୍ୟର କ୍ଲାସ୍ ରସିକିଆ ବୁଢ଼ା

ନେଉଅଛି ଜାଣି ଶୁଣି !

କିଟି କିଟି କଳା ହାତୀ

ବୁଢ଼ା ଫୋନ୍ ଧରି ସଜ ହେଲା ପରା

ଚାଟିଙ୍ଗିରେ ଯିବ ମାତି !

ସରୁ ସରୁ ଦାନ୍ତୀ ମକା

ବୁଢ଼ା ପାଲା ପାଲି ଝିଅ କେତେ କରେ

ନିଜେ ଭାବେ ଗଜା ଟୋକା !

ସାପ ଗଲା ହିଡ଼ ତଳେ

ସଂସ୍କୃତକୁ ଧୋଇ ପାଣି ପିଇଅଛି

ଓଗାଳୁଛି ବୁଢ଼ା ହେଳେ !

ସର୍ ସର୍ ଗଲା ମୂଷା

ଉପାଧିକୁ ପୁଣି ଛାତି ମାରି ବୁଢ଼ା

ତୁଛା ହୁଏ ଲୋକହସା !

କାଉ ଉଡ଼ିଗଲା ରାବି

ନାଆଁ ଗନ୍ଧ କିଛି ସାହିତ୍ୟରେ ନାହିଁ

ବୁଢ଼ା ବୋଲେ ବଡ଼ କବି !