Library
Profile
ଗଛଟିଏ ମୁଁ କହୁଛି
ଗଛଟିଏ ମୁଁ କହୁଛି
କିଏ ଜଣେ ମୋତେ କିଛି କହୁ ଥିଲା
ସପନ ରେ କାଲି ଦେଖିଲି
ନିଦ ଭାଙ୍ଗି ଗଲା କିଏ ସେ ବୋଲି ସେ
ଏଣେ ତେଣେ ବୁଲି ଚାହିଁଲି
ଝାପସା ଝାପସା ତା ରୂପ ମାଧୁରୀ
ଆଖି ଆଗେ ନାଚି ଉଠିଲା
କିଏ ତୁମେ ବୋଲି ପଚାରିଲି ଯେବେ
ମୁଁ ଗଛ ଟିଏ ବୋଲି କହିଲା
କାହିଁକି ଆସିଛ କି କାମ ମୋଠାରେ
ସ୍ୱପନେ ଆସିଲ କାହିଁ
ଉତ୍ତର ରେ ତାର ବ୍ୟାକୁଳତା ଥିଲା
କହିଲା ମୁହଁ ଶୁଖାଇ
ତୁମ କଥା ମୁହିଁ ଜାଣିଛି ବୋଲି କି
ଭରସା ରେ ସବୁ କହିବି
ମୁଁ କହିଲି କୁହ ତୁମ ମନ କଥା
ନିଜେ ଜାଣି ସଭିଙ୍କୁ ଜଣାଇବି
ତାପରେ କହିଲା ତା ଦୁଃଖ ଯନ୍ତ୍ରଣା
ଶୁଣି ଥରିଲା ମୋ ଛାତି
ମିଛ ଅହଂକାର ଭାଙ୍ଗିଗଲା ମୋର
କେତେ ଅନ୍ୟାୟ ତା ପ୍ରତି
ସେ କହୁ ଥିଲା ମଣିଷ ଭାଇ ହେ
ଅକାରଣେ ମୋତେ ହାଣ ନା
ଫୁଲ ଫଳ କାଠ ପତର ଦେଉଛି
ଏକଥା କୁ କିଆଁ ବୁଝ ନା
ହାଣି ହାଣି ମୋତେ ଶିରିହୀନ କରି
କିବା ସୁଖ ତୁମେ ପାଉଛ
ଗଛ ଟିଏ ବୋଲି ଚାହେଁ କି ଅହିତ
ପର କିଆଁ ମୋତେ କରୁଛ
ଆମକୁ ତମକୁ ଏ ସାରା ବିଶ୍ୱ କୁ
ଗଢ଼ିଛନ୍ତି ଯେଉଁ ଇଶ୍ୱର
ତାଙ୍କ ବାଣୀ ପରା ଭଲ କାମ କରି
ମର୍ଯ୍ୟାଦା ରଖିବା ବିଶ୍ୱର
ବିଜ୍ଞାନ ର ଆଜି ଦ୍ରୁତ ଅଗ୍ରଗତି
ପରିବେଶ ପ୍ରଦୂଷଣ
ଜଳ ଵାୟୁ ସୁନା ଅତି କଳୁଷିତ
ସବୁରି ଅସ୍ଥିର ପ୍ରାଣ
ଆପଣା ଗୋଡ ରେ କୁରାଢ଼ୀ ମାରୁଛ
ଭାବୁ ନାହଁ ଆଗ ପଛ
ସବୁଜ ଶ୍ୟାମଳ ମୋ ବନାନୀ ନାଶି
କିସ ଲାଭ ପାଉ ଅଛ
ଗ୍ରୀଷମ ର ଦାଉ ସମ୍ଭାଳି ପାରୁନା
ବଢ଼ି ବଢ଼ି ଯାଏ ତାତି
ଦିନଯାକ ଦେଖ ଡହଳ ବିକଳ
ଅନିଦ୍ରା ରେ କାଟ ରାତି
ଖୁସିରେ ଗଡୁଛ କଳ କାରଖାନା
ସହର ବଜାର ଯେତେ
ନିଜ ସୁଖ ପାଇଁ ମୋ ପ୍ରାଣ ନେଉଛ
କେଉଁ ଅଧିକାରେ ସତେ
ମୁଁ କହୁଛି ବୋଲି ରାଗ କରିବନି
ତୁମ ମୁଣ୍ଡେ ନାହିଁ ଚିନ୍ତା
ଉତ୍ତାପ ବଢୁଛି ବରଷା କମୁଛି
ଚାରିଆଡେ ଏହି କଥା
ଜାଣି ଶୁଣି କାହିଁ ଅପକର୍ମ କର
ଆପଣାର ସୁଖ ପାଇଁ
ସେ କରମ ଲାଗି ଫଳ ତ ଭୋଗିବ
ବିଚାର କରିବେ ସାଇଁ
ତୁମ ପୂର୍ବ ପୁରୁଷ ଦେବତା ସଦୃଶ
ପୂଜା କରୁଥିଲେ ମୋତେ
ମୋର ଫଳ ଫୁଲ କାଠ ଓ ପତର
ଲାଗୁଥିଲା ଓଷାବ୍ରତେ
ଅଂଶୁମାନ ରଶ୍ମି ପ୍ରଖର ହୋଇଲେ
ସୃଷ୍ଟି ହୁଏ ଅଂଶୁଘାତ
ସେ ଆଘାତ ପାଇ କେତେ ଯେ ମରନ୍ତି
ବିଜ୍ଞାନ ର ଏହା ମତ
ମୋତେ ବନ୍ଧୁ ଭାବି ମୋତେ ଭଲ ପାଅ
ମୋ ଜୀବ ସୁରକ୍ଷା କର
ଜଙ୍ଗଲ ସୁରକ୍ଷା କଲେ ସିନା ଯାଇ
ଅଂଶୁଘାତ ହେବ ଦୂର
ହାତ ଯୋଡି ଆଜି ନିବେଦନ କରେ
ପାଗଳାମି ଛାଡିଦିଅ
ଗଛ କଟା କଥା ମନୁ ପୋଛିଦେଇ
ନୂତନ ଗଛ ଲଗାଅ
ଗ୍ରାମ ସହରରେ ସଚେତନ କର
ଜନସଂଖ୍ୟା ନିୟନ୍ତ୍ରଣ
ସାନ ଠାରୁ ବଡ ସଭିଙ୍କୁ କହନ୍ତୁ
କରିବେ ଚାରା ରୋପଣ
