ଗାଁରେ ଶୀତ ଦିନ

ଧବଳ ଧବଳ 

କୁହୁଡି ପ୍ରଲେପ

ରାତ୍ର ପାହାନ୍ତେ ଘେରେ,

ସୁଲୁ ସୁଲୁ ଥଣ୍ଡା 

ପବନ ଝଲକେ

ଶୀତ ଆହୂଲା ଗାଏ ।

ଢଳଢଳ ପୁଣି 

ଶୀଶୀର ବିନ୍ଦୁ

ଦୂବ ଘାସର ମୂଳେ,

କଢି କନିୟର 

ଟଗର ଫୁଟଇ

ଅଳସ ସକାଳ ଚୂଳେ ।

ଥୁରୁ ଥୁରୁ କମ୍ପେ

ଗାଧୁଆ ତୁଠେ

ଥର ଇ ପୋଖରୀ ଜଳେ,

କଳ କଳ ମୀନ

ଖେଳଇ ତୀରେ

ଗାଁ ନଇ ର କୂଳେ ।

ଚାଷୀ ଭାଇ ଗୀତ

ଗାଉଥାଏ ଶୀତ

ଅମଳ ଫସଲ ମୂଳେ,

ଗାଁ ଦାଣ୍ଡ ହାଟ

ସବୁଜ ତଟକା

ବାଡି ବଗିଚାରେ ଫଳେ ।

ଘର ଲିପା ପୋଛା

ମାସ ମଗୁସୂରେ

ଝୋଟିର ପଦ୍ମ ଫୁଟେ,

ଶୀତ ପୋଷାକରେ

ପିଲା ଦୌଡନ୍ତି

ସ୍କୁଲ୍ ଛୁଟିର ବେଳେ ।

ଛୋଟ ଦିନ ପୁଣି

ସରି ଯାଏ ବେଳ

ସଂଧ୍ୟା ଆଳତୀ ଜଳେ,

ଶୀତ ବସେ ମିତ

ସଂଗେ ପରିବାର

ଉଲ୍ଲାସ ଆନନ୍ଦ ଚିତେ ।