ଗାଁ ରାଜନୀତି

ଭୋଟ ରାଜନୀତି ଗୋଳିଆ ପାଣିରେ

   ଭୋଟର ହୁଅନ୍ତି ହଟହଟା

ଶାସକ ବିରୋଧୀ  ହାତ ମିଶା ମିଶି

   ଜନତା ହୁଅନ୍ତି ପାଦ ଚଟା 

ସହରଠୁ ବେଶି  ଗାଁ ରାଜନୀତି

  କୁଜି ନେତାଙ୍କର ଦାଉ

ଭୋଟ ପାଇଁକି  ହତଶିରି ଗାଁ

   ଭାଇଚାରା ନାହିଁ ଆଉ

ଦଳ ଲୋକମାନେ  ଆପଣା ହୁଅନ୍ତି

   ଭାଇତ ପାଲଟେ ଅରୀ

କଥା କଟାକଟି   ମଥା ଫଟାଫଟି

   ଭୋଟ ଗଲେବି ସରି

ଭୋଟ ପାଇଁକି  ନେତାମାନେ ଆସି

   ଧରନ୍ତି ଲୋକଙ୍କ ପାଦ

ନିଇତି ଗାଁ ରେ  ମଉଛୁକ ହୁଏ

   ଉଛୁଳେ ମାଉଁଶ ମଦ

ଭୋଟ ସରିଲେ  କାଶିଆ କପିଳା

   ହୁଅନ୍ତିନି କେବେ ଭେଟ

ଗାଁବାଲା ଏଣେ  ଚାହିଁ ବସିଥାନ୍ତି

    ନେତାଙ୍କ ଆସିବା ବାଟ

ଦେଇଥାନ୍ତି ନେତା ପ୍ରତିଶୃତି କେତେ

   ଗାଁ ସାରା ବୁଲି ବୁଲି

ଜିତି ଗଲାପରେ  ଆସନରେ ବସି

   ସବୁ ସେ ଯାଆନ୍ତି ଭୁଲି

ଭୋଟ ପରେବି  ଗାଁ ରେ ଆମର

   ସରେନାହିଁ ରାଜନୀତି

ଏ ଦଳ ସେ ଦଳ ନିଇତି କନ୍ଦଳ

  ଦିନ ଦିନ ଯାଏ ବିତି

ସ୍ଵାଧୀନତା ଚିନ୍ତା ସହରଠୁ ତେଣୁ

   ଗାଁ କୁ ତ ବେଶି ଘାରେ

ସ୍ବାଧୀନ ଭାରତେ ଗାଉଁଲି ମଣିଷ

   କୁଜିନେତାକୁ ବି ଡରେ ।