ଗ୍ୱାଲିଅରର ମଣି ଅଟଳ ମଉଡମଣୀ

ଭାରତ ବର୍ଷର ସୁଯୋଗ୍ୟ ସନ୍ତାନ

   ହେ ଅଟଳବିହାରୀ ବାଜପେୟୀ,

ତୁମ ଜୟନ୍ତୀରେ ଦେଶର ଜନତା

   ଶ୍ରଦ୍ଧାଞ୍ଜଳୀ ବାଢେ ତୁମରି ପାଇଁ |

କେତେ ଯେ ଉପାଧି ତୁମ ନାମେ ଲେଖା

   ସବୁଠାରୁ ଶ୍ରେଷ୍ଠ ଭାରତ ରତ୍ନ,

ଦେଶର ସେବକ ଭାବେ ବଳିଦାନ

   ତୁମ ଜୀବନର ବ୍ରତ ମହାନ |

ପ୍ରସିଦ୍ଧ ସୁବକ୍ତା ତୁମେ ଥିଲ କବି

    ରାଜନେତା ଭାବେ ଚିର ସଫଳ,

ଦେଶର ମୁକତି ଆନ୍ଦୋଳନେ ମଧ୍ୟ

    ତୁମ ଦାନ ଥିଲା ମହତ ବଳ |

ସଂସାର ବନ୍ଧନେ ବାନ୍ଧି ହେଲନାହିଁ

   ଦେଶସେବା ପାଇଁ କରିଲ ତ୍ୟାଗ,

ଉଦାରତା ତୁମ ଜୀବନ ଚରିତ୍ର

    ନିଜ ସୁଖପାଇଁ ଚାହିଁନା ଭୋଗ |

ଅଧ୍ୟୟନ ପରେ ସେବକ ଭାବରେ

    ରାଷ୍ଟ୍ରୀୟ ସ୍ୱୟଂ ସେବକ ସଦସ୍ୟ ,

ପରେ ମିଶିଥିଲ ଜନସଙ୍ଘ ସାଥେ

     ରଖି ମାତୃକାର ସେବା ଉଦେଶ୍ୟ |

ତା'ପରେ ଭାରତ ଜନତା ପାର୍ଟିକୁ

     ନିଜ ନେତୃତ୍ୱରେ ନେଲ ଆଗେଇ,

ତୁମରି ପ୍ରଚେଷ୍ଟା ବଳରେ ଆଜିବି

     ବିଜେପି ଶାସନ ଯାଏ ଆଗେଇ |

ତୁମେ ଗଲାପରେ ହରାଇଲା ଦେଶ

     ତୁମ ପରି ଜଣେ ଯୋଗ୍ୟ ସନ୍ତାନ,

ଗ୍ୱାଲିଅର ମଣି ତୁମେ ଯେ ଅମର

     ତୁମରି ସ୍ମୃତିରେ ଦେଶ ମଗନ |