ଏକୋଇଶ ତୁମ ଅପେକ୍ଷାରେ
ଏକୋଇଶ ତୁମ ଅପେକ୍ଷାରେ
କୋଡିଏ ପୃଷ୍ଠାଟି ଇତିହାସ ହେବ
ଏକୋଇଶ ସୂରୁଜରେ
ପ୍ରତୀକ୍ଷାର ଅନ୍ତ ସରି ସରି ଆସେ
ନିଶ୍ୱାସେ ବିଶ୍ୱାସ ଭରେ ।
କେତେଯେ ଯନ୍ତ୍ରଣା ଦେଇଛି କୋଡିଏ
ବ୍ୟତିବ୍ୟସ୍ତ ହୋଇଛି ମହୀ
ମାଆ କୋଳୁ ପୁତ୍ର,ସ୍ତ୍ରୀ ମୁହଁରୁ ହସ
ସବୁ ନେଇଛି ଛଡେଇ ।
ଅଶାନ୍ତ ମହୀରେ ଧୈର୍ଯ୍ୟର ନଉକା
ବାହିବାର ସାହସରେ
ପ୍ରସ୍ତୁତ ହେଉଛି ଏ ମଣିଷ ଆଜି
ଏକୋଇଶ ତୁମ ଅପେକ୍ଷାରେ ।
ଅଦୃଶ୍ୟ ତୁମେ ଏକୋଇଶ ସିନା
ହେଲେ ଆହ୍ୱାନ ର ନୂଆ ଆଶା
କଳ୍ପନାରେ ଆମ ନୂଆ ପୃଥିବୀ
ଉଚ୍ଚ ଆମ ଅଭିଳାଷା ।
ଏକୋଇଶ ତୁମକୁ କରୁଛୁ ସ୍ୱାଗତ
ହୃଦୟେ ଦୀପାଳି ଜାଳି
ଧର୍ମ ପ୍ରତିଷ୍ଠା ରେ ନୂଆ ରୂପ ନିଅ
ମିଥ୍ୟା ଛଳନା କୁ ଦେଇ ବଳି ।
ପ୍ରତିଜ୍ଞା ବଦ୍ଧ ହୋଇବୁ ଆମେ
ଶାନ୍ତି, ଧର୍ମର ରକ୍ଷା ପାଇଁ
ଦିଅ ନୂଆ ମନ୍ତ୍ର ସମାଜକୁ ଆମ
ଅରାଜକତା ଯାଉ ଦୂରେଇ ।
ଭରିଦିଅ ଆଶା ନିରାଶ ଭିତରେ
ବୀଜ ବୁଣିଦିଅ ପୃଥ୍ଵୀ ହେଉ ଉଶ୍ୱାସ
ସଞ୍ଜୀବନି ଭଳି ଜୀବନ୍ତ ହେଉ
ମରି ଯାଇଥିବା ଆତ୍ମବିଶ୍ବାସ ।
ଅମୃତ ମୟ ହେଉ ଏ ପୃଥିବୀ
ଏକୋଇଶ ତୁମ ଆଗମନେ
କୋଡିଏ ର ସବୁ ଦୁଃଖ ପୋଛିଦେଇ
ଖୁସିର ମହକ ଭରୁ ସଭିଙ୍କ ମନେ ।