ଏଇ ମୋ ଭାରତ ଭୂଇଁ
ଏଇ ମୋ ଭାରତ ଭୂଇଁ
ହିମାଳୟ ସାଜିଛି ଶୁଭ୍ର ମୁକୁଟ
ସାଗର ପାଦ ଧୂଅଇ
ସୁଜଳା ସୁଫଳା ଶସ୍ୟ ଶ୍ୟାମଳା
ଏଇ ମୋ ଭାରତ ଭୂଇଁ ।
ମୁନିଋଷି ସମ ତା'ର ଚିତ୍ରପଟ
ଅସୀମ ଗୁଣେ ମହାନ
ଭିନ୍ନ ଭିନ୍ନ ମତ କୋଳେ ବିରାଜିତ
କୀରତିରେ ଗରୀୟାନ ।
ସବୁ ଭିନ୍ନତା ମଧ୍ୟରେ ଆମେ ଏକ
ଜାତୀୟତା ଭାବ ବୋଳୁ
କୋଟି କୋଟି କଣ୍ଠରେ ତ୍ରିରଙ୍ଗା ତଳେ
ଜାତୀୟ ସଙ୍ଗୀତ ତୋଳୁ ।
ସ୍ବାଧୀନ ପରଶ ଦେଇ ଯାଇଛନ୍ତି
ଯେତେ ବୀର ବୀରାଙ୍ଗନା
ସଭିଙ୍କ ସ୍ମୃତିରେ ମଜ୍ଜି ହଜି ଆମେ
ନାମେ ମଧୁର ମୂର୍ଚ୍ଛନା ।
ଏଇ ମୋ ଭାରତ ଜଗତେ ବିଖ୍ୟାତ
ଆମେ ତା' ଅମୂଲ୍ୟ ଧନ
ଶପଥ ନେବାରେ ପ୍ରଗତିକୁ ତୋଳି
କରିବା ତା' ବୁକୁ ପୂର୍ଣ୍ଣ ।