ଏ କେଉଁ ପ୍ରେମର ରଙ୍ଗ

ଏ କେଉଁ ପ୍ରେମର ରଙ୍ଗ

ଛଡ଼ାଇଲେ ଲିଭେନା ଏ ଦାଗ

ମନରେ ଲାଗିଛି ସେ ରଙ୍ଗ

ରଙ୍ଗ ଲାଗି ସିହରେ ମୋ ଅଙ୍ଗ

ନୁହଁ ଏମିତି ସେମିତି ରଙ୍ଗ

ଦିନେ ଛୁଇଁଥିଲା ରାଧା ଗାଲ

ମୀରା ହେଲା ପ୍ରେମ ପାଗଳି

ଗୋପାଙ୍ଗନା ହୋଇଥିଲେ ବଶ

ଏ କେଉଁ ପ୍ରେମର ରଙ୍ଗ

ଛଡ଼ାଇଲେ ଲିଭେନା ଏ ଦାଗ

ଏ ରଙ୍ଗେ ହଜିଯାଏ ସରମ

ପାଗଳ କରି ଲୁଟେ ସେ ମନ

ଧୀରେ ଟାଣି ନିଏ ପ୍ରାଣ

ରାଧା ପରି କରାଏ ଉଛନ

କାହିଁଗଲେ ସେ ନନ୍ଦନନ୍ଦନ

ରଙ୍ଗମାରି ଚୋରିକଲେ ମନ

ଏ କେଉଁ ପ୍ରେମର ରଙ୍ଗ

ଛଡ଼ାଇଲେ ଲିଭେନା ଏ ଦାଗ

ଏ କେଉଁ ପ୍ରେମର ରଙ୍ଗ