ପ୍ରେମର ମାନେ ମିଳନ ନୁହେଁ

ନବାରେ ନାହିଁ ଆନନ୍ଦ ଯାହା ଦବାରେ ଅଛି

ନିଜର ବୋଲି ନୁହେଁସେ ଆମ ପାଶେଯେ ଅଛି

କାହିଁଯେ ସର କାହିଁଗୋ ସେହି କୁମୁଦ ରାଣୀ

କାହିଁଯେ ଜଳ ସରେଗୋ କାହିଁ ଅମ୍ବର ପୁଣି

ଚନ୍ଦ୍ରର ଠାଣି ଆଗମ ବାଜା ରୋଷଣୀ ଶୁଣି

ଚଞ୍ଚଳି କଇଁ ଯାଏଗୋ ଦୂରୁ ଲାଜେଗୋ ଫୁଟି

କୁମୁଦ ଜାଣେ ଆକାଶେ ଚନ୍ଦ୍ର କାହିଁଗୋ ଅଛି

କଅଁଳ ମନେ ଜୋଛନା ଖୋଜେ ପୀରତି ପାଇଁ

ପୀରତି ପାଇଁ ପ୍ରେମଗୋ ଲୋଡ଼ା ଚନ୍ଦ୍ରକୁ କଇଁ

ପ୍ରେମର ମାନେ ମିଳନ ନୁହେଁ ସଭିଙ୍କ ପାଇଁ

କଇଁର ମୁଖ ଚନ୍ଦ୍ରର ଆଶା ଅନ୍ଯଥା ନାହିଁ

କଇଁର ଭାବ କେବଳ ଜୋସ୍ନା ଚନ୍ଦ୍ରରେ ଜାଣି

ଦୁହିଁଙ୍କ ମନ ଉଜ୍ଜ୍ବଳ ଚନ୍ଦ୍ରେ ଜୋସ୍ନାର ପରି

ଦୁହିଁଙ୍କ ପ୍ରେମେ ତ୍ଯାଗର ବାସ୍ନା ସଂନ୍ଧ୍ଯାଗୋ ସାକ୍ଷୀ

ପ୍ରେମର ମାନେ ମିଳନ ନୁହେଁ ସଭିଙ୍କ ପାଇଁ

ପ୍ରଣୟ ସେହି ପାଇଛି ସବୁ ନପାଇ କିଛି