ଦୁର୍ଲ୍ଲଭ

ଭିକ୍ଷୁକ ଟେ ସାଜି ତୁମରି ଆଗରେ ନିତ୍ୟେ କରୁଛି ଗୁହାରି

ଅନ୍ଧପଣେ ନଜଣାଇ ଅଗଣିତ ଦାନଜୀବନେ ଦେଇଛ ଭରି l

ସାରା ବିଶ୍ୱକୁ ସଂଦର୍ଶନେ ଦେଇ  ଅଛ ବେନି ନୟନ

ହଜିଛି ଘୋର ଅନ୍ଧକାରେ ନୟନ ହୀନର କି ଜୀବନ l

ବେନି  କର୍ଣ୍ଣେ ଉତ୍ତମ ଶୁଣିଣ ଭାଷିବା ମଧୁର ବାଣୀ

ଦୁଇ  ହାତେ ଦୁଃଖିଙ୍କୁ ସେବି ତାହାକୁ କର୍ତ୍ତବ୍ୟ ମଣି  l

ସତ କର୍ମ କରି ଶତ ପଥେ ଚଳି  ରଖିବି ତୁମ୍ଭର ମାନ

ଚଉରାସୀଲକ୍ଷ ଯୋନି ଭ୍ରମଣ ପରେ ଲଭିଛି ଦୁର୍ଲ୍ଲଭ ଜନ୍ମ l

ଆକର୍ମଣ୍ୟ ମୋତେ କରିନାହଁ ପ୍ରଭୁ ଦେଇଛ ନିଖୁଣ ତନୁ

ନିରତେ ସେବୁସେ ତୁମରି ପୟର କ୍ଳେଶ ଦୂରକରି ମନୁ l

ସ୍ବଧର୍ମ ଆଚରି ବିଶ୍ୱାସୀ ନରହରି ଜୀବନ ବାଟରେ ଚଳ l

ପ୍ରଭୁ ହୃଷିକେଶ କରୁଣା ବରଷି ତୋହପାସେ ଥିବେ ସର୍ବକାଳ l