ଦୁଃଖ ଭାଗିଦାର କିଏ

ପଥ କ୍ଲାନ୍ତେ ଆଜି ଥକି ପଡିଛି ମୁଁ

  ଅଫେରା ବାଟୋଇ ଟିଏ ।

ନଈ ଆର ପାରେ ନିରୋଳା ଏ' ବେଳେ  

  କିଏ ଡାକି ରହି ଯାଏ ।

 ଭାରି ଚିହ୍ନା ଲାଗେ ସିଏ ।।0।।

ଅନେକ ସମୟ ଆସିଛି ଜୀବନେ 

  ଏକା ଏକା ଚାଲିବାରେ ।

ଚଲା ପଥେ କେତେ ସହଗାମୀ ସାଥେ।

  ସୁଖ ଦୁଃଖ ବାଣ୍ଟିବାରେ ।

ବୁଝିଚି ସଂସାରେ ଆପଣାର

ହୋଇ ବଞ୍ଚିବାକୁ ନାହିଁ କିଏ ॥୧॥ 

ସ୍ବାର୍ଥମୁଖା ପିନ୍ଧା ଦୁନିଆଁରେ ଯେତେ

  ବଞ୍ଚିବାର ଅଭିନୟ ।

ଜୀବନ ସଂଘର୍ଷେ ଜିତିବାର ଆଶେ।

  ହୁଏ ଯେବେ ପରାଜୟ ।।

ଆପଣାର ଯେତେ ମୁହଁ ନ ଚାହିଁଲେ ।

ଦୁଃଖେ ଭାଗୀଦାର କିଏ ।।୨।।